大王的DIY作品--->晚宴燈牌DIY

要開估喇!我的大王也來為這個婚宴DIY，至於DIY甚麼?就是晚宴的FANS燈牌。

這是我之前幾年同大王提出過的要求，估不到幾年後的今日他還記得。

上兩個星期就去深水埗鴨寮街買材料。叫人整一塊大概幾百蚊，自己買材料就一定平好多，但用的時間也不少。

買完材料的晚上，大王來到我家食飯。隨便我就幫手做最初的STEPS就是剪字。

印了字形就要CUT出來..

我們還去文具鋪還了一大塊黑色咭紙和銀色貼紙，將需要的字在銀色貼紙上剪下來。

之後就構圖

加些星星和心心好似多野睇D.....

做一塊燈牌的材料......其實我都唔知係乜野，只知會著的燈泡仔叫LED燈。LED燈有好多價錢呢!愈大直徑就愈貴，愈光就貴D，會閃又再貴D....

我們買這些要$1一粒。

後來大王話要再買多D，我就去淘寶搵下，點知原來幾毫已經有一粒，結果買了很多回來，所以話...淘寶可以咁平，香港可以買咁貴。點都好，只要可以節省成本就VERY GOOD喇!

還有要買電箱仔

還有這些..我都唔知係乜野...HAHA

大王在我家拮LED燈上去塊版上

試一下D燈著唔著先....好光呀!

哈....試驗中

後面原來係咁...呢個只係最簡單的步驟，原來將呢D電線駁起黎就最嘥時間和最複雜的。

之後有一晚，去了大王屋企探班睇下燈牌的PROCESS和效果。

兩個心心和王字已經成功.....好正呀!

辛苦了大王.....

見到呢張相，我不感驚歎大王連呢D東西都識做同埋肯去做......我真係甘拜下風。

比我就一見到就想訓覺喇!做呢個工作真係要好有耐性和細心先得!大王，你做到喇!

大王好厲害呀!佢廢寢忘食左幾日幾夜(EXCEPT返工時間)去整個燈牌。好感動呢!

今晚，大王話去佢屋企睇第一個燈牌的製成品和第二個燈牌的初形。

第二個燈牌是我的英文名KIKI

熄了燈看效果，不同角度有不同效果.....

我已經幻想到大日子當晚熄哂燈全場閃著螢光棒和幾個有代表性燈牌的場面......

大家一齊嗌....大王!女王!大王!女王!YEAH!!!

哈....我會唔會太興奮呢?

再一次...多謝大王~~~我好鍾意好開心呀!

大王話佢會整多幾個喎!YEAH!