兩個傻人走去搵人整窗簾

我和大王在XMAS去了搬少少屋，即搬一丁點東西，之後大王話聽人講荃灣川龍街附近有個叫「鱟地坊」的排檔有得平價整窗簾，所以我地拎哂D呎吋去問價。

入到其中一間，我地兩個乜都唔識，所以初步講了想要乜野顏色就揀下現有的布。

諗住書房用呢個粉藍色間條...

我又好鍾意呢款...

大王話廳用星星月亮太陽

我們打算整三幅窗簾加兩幅窗紗，對這款紗有D興趣..

諗住呢款做房

第一次去窗簾鋪造窗簾，兩個傻人大鄉里出城...

係乜都唔識和唔知O既情況下，初步揀左款就叫阿姐計下幾多錢。

我地聽人講呢度平，所以諗住價錢都OK。結果，我地兩個見阿姐一邊「禁」計數機，個數字以好驚人的速度咁上升。最後...二千四蚊....

噢............到呢一刻先知原來窗簾咁貴.....................好唔開心.......

最後，我地當然走左唔整啦!

之後，去了花園街問價。今次醒目，乜布料都唔揀，比尺吋阿姐計大約價錢。用返之前荃灣店的大概布料質數就平成一千蚊，千四蚊可以攪掂。

不過大王條氣都好唔順，因為始終我們租屋，無理由其他傢俱咁平，但就拎千四蚊去整窗簾，真係....過唔到自己個關呢!

跟住又去埋宜家傢俬睇下窗簾的價錢，結果又係千八蚊左右...........

所以，我們決心在BOXING DAY拆禮物日北上造窗簾!

香港造窗簾真係好貴呀!!!