之前雄心壯志話DIY呢樣DIY個樣都未開始,所以我迫自己要係剛過去的星期日晚完成。結果,誤打誤撞都叫整左幾枝簽名筆。哈哈....由於我好似搵唔到特別的DIY簽名筆教學,所以好多都係自己估自己覺得點整就點整,最緊要係整到穩陣和實淨....
等我介紹一下材料先...
有(1) 筍崗買回來的絲花...紫色那束$6,粉紅色牡丹只是$8
(2) 筍崗買回來的粉紅色絲帶$3
(3) 立興送的雙面膠紙
(4) PAINT簽名筆$5一枝
(5) 花藝鐵線$5
(6) 彩色毛毛波(FR JUSCO十元店) $10
(7) 銀色LACE貼紙(FR JUSCO十元店)$10
材料費合共$62有五枝.....
我喜歡的粉紅色牡丹.....
有五種顏色的閃閃毛毛波
吉之島十蚊店真係好多靚材料買呢..
好.....開工!
首先,用雙面膠紙在簽名筆上包一層白紙。因為我試過淨包絲帶會睇到簽名筆上的字。
筆的頂部再用咭紙包一包,因為將束好的絲花放入去。(其實我都係自創方法,唔知真實係咪咁整...)
按自己喜好用花藝鐵線將絲花和毛毛波束在一起。
紫花和黃色毛毛波....還有紫花加藍色毛毛波。
由於我的藝術天份有限,其中一朵係咁樣......HAHA.....之前在筆的頂部注入熱溶膠,再將這束起的花插進去。
當然也要在筆身繞絲帶啦!因為我唔想再嘥錢買過絲帶,若果唔係,其實我想用銀色絲帶包筆呢!
另外再在筆的上和下側都貼閃閃銀色LACE貼紙點綴一下就完成喇!HAHA
我覺得,儘量束到一個小球體形狀好似小花球的筆頂就比較靚。哈哈...毛毛波好靚呀!
我諗住用之前M記的COCA COLA杯做筆筒,因為唔駛錢,妹妹之前換多左。
放一枝係筆筒都幾靚吖!
整左五枝,兩枝紫色花,三枝粉紅色牡丹。
哈...放左一起...應該無人知呢D係簽名筆...HAHA...我自己覺得幾靚呀!
咁樣擺就紫色搶眼D..HAHA
第一樣的DIY ITEM終於比我攪掂左,突然間好有滿足感呢!
哈哈....毫無藝術天份的我可以在特定的時間內完成一樣DIY ITEM原來真係好開心!
跟住整乜野呢......
好叻呀,仲整得好靚添,抵讚
回覆刪除我呢d手藝0天份,完全唔敢DIY
[版主回覆12/16/2010 17:16:00]哈...有人讚好開心呢!
我都唔敢DIY O家,不過諗起買會好貴,所以就頂硬上..HAHA
哈哈整得好睇丫,嘩偏心丫紫色筆少show佬相,雖然都覚粉紅色牡丹靚哈哈等我買材料又玩下先,係咪要買熱用槍先得丫
回覆刪除[版主回覆12/16/2010 17:16:00]無錯,因為我唔太鍾意紫色的花,所以影多D牡丹先...
係呀...要熱溶膠槍O即膠...
真係幾OK喎...我到宜家D DIY仲未開工呀...
回覆刪除[版主回覆12/16/2010 17:15:00]哈....我係驚得滯,驚遲D無時間做而無花花簽名筆,所以迫自己快快完成一樣先咋!
yeah 恭喜你 K.O 左簽名筆~!!!
回覆刪除hahaha 我都好緊張呀~~ 我得番十幾日咋~~~!
[版主回覆12/16/2010 17:14:00]YEAH!1111加油...
記住時刻保持正面開心的心境做靚靚新娘呀!
好靚呀!!!等我呢個懶而且0藝術天份嘅人都試吓做先
回覆刪除[版主回覆12/16/2010 17:14:00]我都係零藝術天份...
本身DIY另一樣野..但整整下,大王已經頂唔順話比佢整埋..HAHA
好有心機, 整得好好呀~
回覆刪除[版主回覆12/16/2010 17:13:00]哈....有心機唔會整成咁....我已經愈整愈頹喇!HAHA
花花襯得幾靚呀!!不過筆身好似包得唔夠實??
回覆刪除[版主回覆12/27/2010 17:16:00]哈...我又真係唔夠大力...HAHA...希望唔好簽簽下名爛左啦!
Good job
回覆刪除[版主回覆12/27/2010 17:16:00]HA...其實我都係自己估下點整咋!
整得好靚!!!
回覆刪除我黎緊都想做!!
好靚呀!!
回覆刪除