相信大家都唔係好記得我BLOG入面有個FOLDER叫「鬧爆你」。
其實係香港地，真係時常都遇到好多不平事。我之前遇到都好多，見到今日有時間，我想呻下今日要「鬧爆你」的事。
事緣係今朝我拎幾千蚊去公司樓下的「渣打」銀行的「存錢快」去存錢。佢個部表面上好新款的機(有TOUCH SCREEN )，但原來虛有其表。
我放了一叠十幾張銀紙入去，可能佢個入錢口細，所以吸錢入去個時已經摺住左面頭幾張銀紙。
平時，部機入唔到O既錢會自己識出返黎。但今次...眼睜睜見到佢無聲無息的食了我的錢。
熒幕只顯示「紙幣未能確認」，但卻沒有退回錢，之後還自動退回咭。
當時，有另外一位同事陪我入錢，所以整個過程大家都睇得好清楚。
我真的被嚇呆了!
我沒有想過存錢機不是用來存錢，根本做不到讓客戶安心安全地自助存錢的功能。
在吞錢的一刻，我只感到自己無能為力去攞返D錢出黎.....好無助!
估不到平時叫存錢機做「食錢機」，今次真的被食錢機食了錢。
我可以做的就是取出相機影了機上的CUSTOMER SERVICES電話和MACHINE NO.以便我返到公司即刻打電話去報案。
報了案，核對所有個人資料，她說會開機CHECK，需時一星期。這處理方法也是意料之內的事，沒有驚喜。難道我發爛要佢即刻比返D錢我咩?!
這一刻，我只能歎無奈，我只有等。只可以說是自己太黑仔罷了!
若果不能取回我的錢怎算?!到時才和她爭論吧!
我相信，取回我的錢之後，我會取消戶口轉用其他銀行，因為渣打的提款和存款機已經不是第一次出現故障。
有一次晚上OT到十一二點，當時銀包沒有錢。我在公司樓下的渣打提款機提款搭的士。但竟然在無防範之下食了我的咭。我沒有錢乘的士回家。最後只好在沒有錢的情況下上的士返到屋企樓下，叫家人攞錢落黎找數。你話好唔好笑呢?!
唉....渣打的提款和存款機真的時常發生故障，試問我仲點可以對這些機器有安全感?!
HSBC的存錢快咪一樣係存錢，但我到現時為止都未遇過機件故障。相反，渣打就經常遇到。會唔會係我和渣打相沖?!
返到屋企同屋企人講有件咁O既事。我妹妹話佢個朋友前幾日都係渣打被食錢機食了千幾蚊。唉.......大家不約而同遇到咁O既事......
比返D錢我之後，從今開始罷用「渣打」!
不單是SCB, 不同銀行都有相同問題. 我有幾個大學同學以前在銀行做ATM機, 他們在內部做 System Testing亦經常有食錢(卡住不出錢)的情況出現.只是看哪些人不好彩.
回覆刪除[版主回覆10/10/2009 00:06:00]嘩...咁誇張?!做TESTING都已經食錢....
咁樣以後存錢快都好有陰影~~~
睇黎我同渣打無緣...時常有不幸事情出現
人有人錯, 機有機錯 呢d都冇計既 佢地對過機入面多左妳呢畢數都會比返妳既 係麻煩左少少lor 我有一次一早去禁機, 入張卡去部機之後完全冇反應都試過 打埋電話去櫃員機個centre, 收埋線佢先有反應
回覆刪除[版主回覆10/10/2009 00:10:00]不過若果不幸遇到食錢，打去報案都好麻煩....
若果唔係揀報失咭，搵極都搵唔到D 人聽電話...
真係要準備兩張提款咭。一張出事都仲有第二張
我冇渣打戶口
回覆刪除[版主回覆10/10/2009 00:11:00]咁就好D....會少D機會被食咭和食錢
如果食左我 d 生果金, 我實發癲呀
回覆刪除[版主回覆10/10/2009 00:11:00]哈哈...生果金?!
我都想發癲...但佢未CHECK到條數，我發爛都冇意思~~~
大拿拿幾千蚊....搵錢辛苦O家MA
渣打食咭成日都是，我比它食了很多次。
回覆刪除如果不出糧戶口(煩)，早就「轉轉轉」了！
[版主回覆10/10/2009 00:13:00]係呀....最慘好無辜食左張咭..食完都唔知發生乜野事...
睇黎真係要轉ACCOUNT
姐姐,我都有睇你個blog,我都係fit開尤的,見到你遇到食錢e個情況,我可以話你知,存錢同入錢千奇唔好用印有"wincor" logo既櫃員機,佢話可以入50張銀紙,不過你存30張佢就會jam~
回覆刪除[版主回覆10/21/2009 00:41:00]原來係咁O家?!我唔敢再係渣打存錢喇!佢D機實在成日都出事!
多謝你的資料提供呀!
10月30日我又係用渣打部新機"存錢快"入幾千蚊，佢又係食晒我D錢呀！用過幾間銀行幾年啦都未試過食錢呀！我仲要係係渣打度攞錢(張張都係直版)跟住直接存入我個Click-a-Count戶口，入完錢關左個閘就即刻顯示 "機器固障" 咁 就退返張卡俾我連收據都無...D錢我仲係要黎交其他銀行當日同今日的卡數，貪佢的優惠搞到自己成身蟻...好彩我銀行度仲有千幾蚊夠交當日的卡數，但係今日個D都唔知點算，佢仲叫我打去銀行話渣打部存錢機食左我交卡數的錢，所以要遲交卡數喎！仲要大概五個工作天先可以退回，我問佢罰錢係咪你俾，佢話要睇下乜野情況食錢先可以答我，話呢部機 銀紙摺起、太多、太大力推入同太細力放入去都唔得 ，要用 正常的力度 先可以入到錢喎！咁即係話到時要罰錢，佢點都會話係 "人為操作錯誤" 咁就唔使賠錢啦！依家銀包得返幾十蚊，仲要搭車食飯都唔知點捱呢幾日....大家記得用的話要用 正常力度 呀~~~或者排隊係櫃枱入錢啦！如果罰錢的話，我實追佢賠錢同埋去銀行公會告佢！
回覆刪除[版主回覆11/02/2009 23:53:00]你遇到的情況真係同我一樣呀!因為係第二間銀行入左咁多次錢都冇咁O既情況。
乜野叫「正常力度」?若果比我聽到真係有排同佢討論.....
我都好明白你點解咁嬲...我地比佢食錢已經好擔心D錢攞唔返，佢地仲要講到好似入錢力度有問題而導致食錢咁....真係唔知好嬲定好笑....
不過好彩大家都係即刻同渣打報案，所以我之後個日已經睇到BALANCE多返我入O既錢.....
有時銀行的機件出錯真係會導致好多預計唔到O既不方便。
唔駛擔心...好快可以攞得返D錢...不過下次入錢都好有陰影。
我又係啊...你攞唔攞得返?我仲等緊佢复
回覆刪除[版主回覆03/01/2010 16:07:00]我個次比佢食錢....佢話要CHECK機...大約一星期先攞得返錢..
最後我三四日已經攞得返...
雖然比預期快左，但都好擔心會再有同樣情況發生...若果佢唔比返錢我，都唔知點算好