我們經常遇到不平的事。今次事情發生在旺角家樂商場的「板前壽司」店。
大家都知道每晚這裡都會排大隊。你取了籌都要齊人先入得。
我和大王之前去過幾次都覺得這裡的食物算是OK的,所以上星期就再到這裡光顧。
但自今次事件發生後,相信一段長時間都不會再光顧了!
事緣大王幫我選了一件$35的吞拿魚腩SUSHI。MENU上可以有兩種選擇,一是肥美多筋,另一是少筋。
但來到我們面前的就是以下這件價錢所謂$35的吞拿魚腩壽司。心想,這好明顯是偏向似吞拿魚壽司多過是吞拿魚腩。
我們食過拖羅壽司,就是知道甚麼是拖羅才會肯付出$35去食一件。
他們竟然可以這麼「專業」地認為這是拖羅?!
我和大王都呆了一呆問侍應說,這是甚麼壽司。她說是吞拿魚腩。我們問她可否換過第二碟。她裝作不善及驚訝的表情拿走了我們這碟壽司,並在我們面前將這碟壽司給回師傅, 說我們想換過碟。
而那師傅就望著我們說,換過一碟都是沒有分別,是一樣的。
我和大王都呆著了!因為從沒有想過在香港這麼出名的壽司店竟然可以有這種「專業」的態度。
看到這件所謂的吞拿魚腩壽司有「筋」嗎?
雖然,我們已經知道這裡的拖羅質素一定不能與在日本食的相提並論,但也不能如此過份吧!
他們難道認為以他們的「專業」日本料理經驗可以騙得過香港人嗎?!
由於這侍應和師傅這種態度,我們也不要再浪費時間再去與他/她爭持了!算了吧!就當是我們不知道這家壽司店的所謂吞拿魚腩壽司就是這種質素。
所以,我們唯有將這壽司拍下來給大家看看。讓大家知道,若果在這裡叫吞拿魚腩壽司是與吞拿魚壽司無異的。大家無謂比$35去換取一件這種質素的拖羅壽司。
你們都可以留意一下,這壽司與MENU上的照片相差很大。
我對自己說,表面上看不到是吞拿魚腩,或者味道是沒有問題呢!但食完之後更嬲,它的味道與普通吞拿魚壽司無異,但比普通的吞拿魚壽司更薄!
之後,我們對這店的食物都失去信心。我和大王都沒有意慾再去ORDER其他東西。
一邊望住入面的師傅片魚生做壽司,一邊在「讚歎」師傅的刀工......未見過一位師傅會這樣片魚生。
算啦!廢話少說,一排都不會再去「板前壽司」!
食壽司, 始終都係日本好. 平平地的元氣有時反而唔錯.
回覆刪除[版主回覆10/21/2009 09:53:00]無錯!元氣o既質素都係唔同地區會唔同....
下次同大王去改去元氣試下先
我都覺得板前越做越差.... 係香港想食好一些的sushi 也好困難... 有一段時間我地好鐘意食 "千両"... 但隨著佢越開越多分店後感覺上質素下降了... 所以家下去食 sushi 都係食普普通通果 d, 不會花$$吃吞拿魚腩, 因為都知道無期望俾件好食既我地.....
回覆刪除[版主回覆10/22/2009 11:23:00]panda媽你講得o岩...我以後都唔會花錢係香港食吞拿魚腩...
要食好野就去日本先一次過食返夠本
我近排都係去元氣呀
回覆刪除[版主回覆10/22/2009 11:23:00]我之前其實唔係咁鍾意元氣......但若果真係好想食壽司就去幫襯下先
變左商業集團的食品,唔多唔少都有搵笨成份!
回覆刪除就算去都係order玉子,三文魚,一般貨!因搵笨最少!
旺角得一間ok..叫 " 峰 " 壽司! 日本人開...相對其他比較好小小啦!!
[版主回覆10/22/2009 11:24:00]無錯!要叫d搵笨最少o既壽司先得
相比以前D 食物和工作人員D 態度差了很多, 因為太多人排隊,所以佢哋都唔志在少一個半個客!
回覆刪除[版主回覆10/22/2009 11:34:00]咁又係...佢長期都咁多人排隊....所以唔會太重視食物質素和服務態度
一於支持你們, 唔去板前和板長!!!!
回覆刪除[版主回覆10/22/2009 11:35:00]哈哈!多謝支持~~~~
不過,要食好野真係要去日本先食到...好失望呢!
佢地出咗咁多錢買廣告,唔係咁點揾得返吖。
回覆刪除睇佢老細個樣己知到.............
[版主回覆10/22/2009 11:36:00]哈哈....都唔駛搵笨咁緊要呀?!
通知變咗集團式之後嘅食店水準都會收降; 其實係日本食完d超正壽司, 就已經覺得香港果d好多都唔掂, 但冇諗過咁離譜囉, 冇水準兼冇服務.
回覆刪除[版主回覆10/23/2009 22:59:00]係呀!食物冇日本咁好食都正常,但冇服務又真係.......
所以呢D地方去一次就夠....
姐姐,今日o係牛頭角見到你呀~
回覆刪除[版主回覆10/23/2009 23:07:00]係咩?咁多人都話見到我O既?!
同意, 平平地的元氣唔錯的, 我就寧願去CWB壹壽司啦, 10時後壽司又有半額, 不過小食冇半額, 要留意!
回覆刪除[版主回覆10/23/2009 23:08:00]哈哈....多謝介紹~~~
搵次同大王去下先~~~
好! 我地一齊罷去板前!!!
回覆刪除[版主回覆10/23/2009 23:08:00]YEAH!
罷去板前和板長!
我都永遠唔去板前啦, 又多人又要排隊, d待應又不知所謂! 女王有無去過 千両 呀? 價錢差不多, 野食我就覺得好過板前, 又唔洗排隊!
回覆刪除d待應又不知所謂
回覆刪除仲係勁差個隻....
我都罷去板前和板長好耐lu
全港又唔係得佢一間....留番比佢老板嘆