上星期日跟餌X會去果洲FIT魷。由於平時都比較少機會去得到，所以先參加是次活動。再加上，我對香港的地理生態好有興趣，聽說果洲群島的六角柱群是數一數二世界上頗大型的柱群，所以就掛名FIT魷，其實是想近距離看看六角柱群。
下面是大王事前印好果洲的簡單地圖~~~
當中有D人遲到，又冇人敢出聲話等定唔等，最後差唔多比原定時間遲左四十五分鐘先開船。好明顯就係....費事講啦!人地覺得等咪等囉!若果係我同大王遲到，夠鐘就開船走啦!好明顯就係又再一次出現雙重標準。嘥X氣!
今次最好啦!唔駛抽籤話同邊個一組。其實咪係佢地想抽就抽，唔想抽咪由得你地囉!
太好!可以同小信師兄一組~~小信師兄又係度扮駕艇...又幾似喎~~~
小信師兄幫我同大王揀了呢個位。正吖~~~要釣到O既邊度都釣到，釣唔到就邊度都釣唔到~~~
係咁狀觀的地理環境下，釣唔到都值得啦!
好彩~~都釣到幾隻~~~SIZE細個D要放生...呢隻都算係咁~~~
大王在六角柱群下，突然間變得好渺小~~~
是日午餐。今年食的第一隻糉~~
今日有人帶WALKIE，又幾好玩喎!
有代表性的香港地理生態，當然要影返張相啦!
點樣先形成六角柱群?!
--->果洲群島位於西貢東南、香港島東面的海上，主要由東果洲、南果洲及北果洲組成，與露營勝地東龍島為鄰。島上岩石以火山凝灰岩為主，早在佅羅記時代火山爆發演變而成。群島大約已有1億4千萬年歷史，受長期風化海蝕而成的奇岩異洞遍佈全島。活躍的火山活動引致火山口噴出大量碎屑物質，熾熱的火山灰落在地下層積，熱力的散失使岩石均收縮，造成六角形柱狀節理，類似泥土乾旱時出現的乾裂紋。
下午轉位到火燒排~~~
小信師兄突然大嗌，嗌得就一定有大野啦!結果~~~~好好好大隻!師傅厲害厲害~~~
其實死左都有35CM或以上。點知最後返碼頭量度賽果....第一就當然攞硬啦!但唔拆膠袋咁度出黎係31CM。痴線!雖然分到勝負，度都唔駛咁頹呀!勁唔專業~~
小信師兄，我已經當你釣到隻37CM O家喇!
大王都釣到隻23CM，叫做有得攞一分!算吧啦!冇索帶都有季軍啦!
生猛的魷魷~~
雖然今次有得去果洲好開心，但比賽當中遇到不平事時，所以對呢個X木會中幹事作出投訴卻遭到不禮貌的對待。投訴SEND PM (PRIVATE MESSAGE) 比幹事好正常，佢地咪處理個投訴或者再作討論囉!投訴得當然係覺得佢地有地方需要改善啦!但就係會網公開封投訴信，仲PM話呢D投訴係整個會O既事，為左提高透明度就公開封信係O個個叫做「投訴區」的地方。貪個投訴區冇文章，是但放D野上去比人睇咁。
即係咁，我同部門個老闆投訴同事A有D野做得唔好，但個老細將我寫個封信FORWARD哂比成個部門O既人。老細就口口聲聲話因為提高透明度，話呢D關係到部門的整體運作而公開封信。究竟佢係話比全世界知道佢做緊野?定係別有用心?專業和有領導才能O既老細都唔會咁做啦!用下腦啦!
另一個譬喻，有個客SEND封投訴信去ADIDAS話佢D波鞋質素好差，ADIDAS會唔會話為左提高透明度將封投訴信刊登到報紙頭版?假係自己丟!
公開完封信，仲話返你投訴就POST去投訴區，唔好SEND PRVIATE MESSAGE比D幹事。真係天大的笑話! 你自己幹事內部有O既投訴又唔見你公開出黎? 提高透明度嘛!一直都唔覺有透明度囉!擺明就係擺人上枱啦! 咁「專業」O既處理投訴方法，我真係第一次見!
我ON TOP OF那封被公開的投訴信的POST上投訴處理投訴上有問題，但卻沒有被理會。反而叫我另外再開個POST再投訴，呢個就仲低能!有投訴就要處理，仲要叫我分開POST。你都係冇通知我O既情況之下公開左我封信，我再開個POST你會認錯咩?!
唔通個客打黎HOTLINE投訴兩樣野，你解決完一樣就叫同個客講:「今次你O既投訴我地已經解決左，有第二個投訴就再打過黎啦!」係咪唔MAKE SENSE? 睇黎佢地都要上下CUSTOMER CLAIM MANAGEMENT的TRAINING先得喇!
本身只係想借投訴提出正面的意見以作改善，但最後卻被人擺上台，被視為攪事份子，好像有D本末倒置! 幹事入面地位愈高個D講野仲更加唔經大腦，呢D無謂講咁多啦!但今次真係眼界大開囉~~~~
識我O既人都知我好少咁「慶」，但今次真係唔講出黎真係對唔住自己。
呢度係我O既地方，我有我O既言論自由。各位路過和釣魷魚O既人咪當聽下我發下牢騷啦!講完~~~YEAH!
沒有留言:
張貼留言