今天大王到釣魚鋪買東西，突然有兩位女子問他是不是大王。原來是我的BLOG的支持者，還知道大王識煮飯，還喜歡我介紹旅行的文章。
這一刻才知道，原來有很多有看過我的BLOG但沒有留言的朋友。謝謝你們的支持!
因為我喜歡用相片和文字去分享我所見所聞所感，所以會繼續在這裡分享我的生活。
提早一日慶祝和大王的四週年零十一個月紀念日。哈~~其實都不是甚麼慶祝，而是在大王出發南油前食飯見面。
今晚去了佐敦的牛屋餐廳。之前也來過這裡幾次，每次食物都好味道之餘，服務都好好。
今晚的晚餐餐牌~~~由於我不能吃牛，所以...選了C餐。
我的「蒜茸鮮菌豬扒意粉」。
大王的「芝士鵝肝汁雞扒」
好不好食?不如自己去試下啦!
地址: 油麻地吳松街143號地下
電話: 2730 7197
但個賣相。。。。。
回覆刪除[版主回覆06/12/2009 00:24:00]HAHA...賣相不錯呀!可能燈光太暗關係，所以相片令你誤會~~~HAHA
家姐好威呀, 個BLOG咁多人睇, 大王係咪覺得自己好似明星呀?
回覆刪除[版主回覆06/15/2009 00:12:00]係呀!多人睇但冇乜人留言~~
估唔到有人認得...所以呢!BLOG O既威力都幾大~~~
HI! 是我呀(這天在釣魚舖應出大王女子)好高興認識你, 由今天開始我會留言!
回覆刪除回想我地見過面, 在2月22日三門仔食早餐, 我們只坐在隔離 (睇回你D釣魚BLOG才知) 其實在當時已留意到你, 因為原來還有女仔同我一樣熱愛釣魚.
我跟你好相似, 喜歡釣魚,影相,食嘢, 旅行. 由年頭開始睇你個BLOG(因我去韓國)到現在, 你寫內容, 資料和感想, 都吸引我隔幾日便睇吓, 不過我喜歡釣魚程度便瘋狂過你, 每個星期都去釣, 每年都出幾次南油.
[版主回覆06/15/2009 23:28:00]哈哈....原來你就是當天在魚具店見到大王的朋友喇!
多謝你一直對我呢個BLOG的支持呀!若果冇你呢D朋友仔，我諗好快呢個BLOG就唔會更新喇!
剛才睇返2月22日先知自己當日去BOAT GAME。哈...我冇留意到你呀!不過唔緊要...間唔中都會係個度出現，日後見到我就嗌下我啦!
你講得無錯!我好鍾意影相同旅行。上次去韓國真係玩得好開心~~~我好快又會再旅行喇!今次O既目的地就係日本喇!YEAH...旅程期待中~~~到時再支持一下!
你喜歡釣魚程度的確比我更瘋狂。我都係得閒先去FIT魷。南油就一年去一次。平時就玩其他O野!仲有，成日去釣魚會曬到黑哂!不過有時幾個星期冇去釣都會手痕痕~~~哈哈
其實已經黑咗好多, 當"括"出去啦, 做足防晒功夫, 鬼叫自己咁喜歡釣.
回覆刪除加油呀!! 期待你的日本之旅遊記~~~
[版主回覆06/16/2009 23:27:00]哈哈...我有時都係豁出去...但曬到成個黑人咁返屋企就好後悔...
一白遮三醜...宜家乜醜都遮唔到...
我仲未出發去日本O家...不過籌備得如火如荼~~~好緊張呀!哈哈