四個女仔韓國四日三夜瘋狂食喝玩樂團 DAY 4 (PART B)

好...快快講埋個韓國之旅DAY4最後一PART喇!

唔係下個旅行去完返黎都未寫完。

我地去完食石頭飯之後就去左明洞的新世界百貨行行。因為我身上已經沒有錢，所以我乜野都冇買過。

後悔冇住係明洞。若果住係明洞就可以晚晚黎呢度買野食~~~~

FRESH MARKET

好靚O既買朱古力地方。

我就係想買呢D大包~~~若果住係明洞就可以買黎做宵夜~~~~

大家SHOPPING完就返酒店PACK返好D行李就搭機場巴士返香港喇!

係站入面見到一個好可愛的韓國小朋友...偷影左佢呆呆的樣子

我地住的HOTEL KUKDO~~~

一早出門口個時已經CHECK OUT同寄存行李~~~呢度係我地四個人的行李。

一人一個行李箱和一大箱和一大袋~~~~點上機?!真係有D驚超重。

影低呢個壯觀的情景。

酒店門口就有機場巴士，所以都幾方便。呢架巴士去完我地間酒店，之後去左明洞和南大門先直去機場。

離開喇!假又放完，錢又用哂咁返香港喇!

呢四日三夜入面，好開心好難忘。

再見~~~

去到機場即刻CHECK IN。好不幸，我地D行李真係過左磅。乜宜家捉得咁緊O既~~

我去日本大掃貨爆埋行李箱都未過磅。今次.....真係每個人都磅到足。

每人只有25KG...我地一個人已經爆哂....最後梗係要被罰錢啦!

可以唔罰咩?!唔通執返D野出黎咩?!要執都要執好多喎!

我們決定後，最後還是被無奈地罰錢吧!

地勤姐姐比左呢張野我地去另一個COUNTER度罰錢。

EXCESS BAGGAGE CHARGE SLIP，我地四個人的寄存行李共多出了有24KG，共要罰170,100WON，即HK$945。佢話宜家比左DISCOUNT價比我地，話罰18KG的價錢，即127,600WON，即AROUND HK$700。

去呢EXCESS BAGGAGE CHARGE COUNTER辦理手續。我地要交左錢，佢先比返一張機票我地上機。唔係就唔比你上機，都幾毒喎~~~

黎得呢個COUNTER的人脾氣都唔係咁好，因為無啦啦比人罰錢，所以前面的人在吵架中~~~

唔交錢就只得一半機票，交左錢先比返張機票我地~~

以後都唔敢買咁多野~~~

宜家先有返張正式機票。

黑仔第一件事就係被罰HK$700。四個人除開都約HK$170...

黑仔第二件事就係過關個時，關員CHECK到我個HAND CARRY袋入面有兩個椰菜娃娃。椰菜娃娃是在LOTTE MKT買的兩個泡菜，因為買個時我話要上機，所以佢幫我用保鮮紙包左好多層，包到好似個椰菜咁，1KG泡菜AROUND係HK$60左右。我地買左2KG。

關員唔比我地帶上機。全部唔知唔可以帶囉!關員叫我地出返去將椰菜娃娃寄存行李。但我心諗，出到去又要呢度排隊又要個度排隊，剛才已經係過重要罰錢，我出去CHECK IN返又有乜意思呢!

我地個兩個椰菜娃娃又包到好密實，又無味~~~我心諗，買泡菜，呢一件代表韓國的食物，都係拎返香港比人試下宣傳下O即....但關員好堅持。

最後，我唯有唔要椰菜娃娃喇!真係黑仔喇!

我地入左閘就快快去辦理退稅手續，因為之後有次係LANEIGE買左742,000WON咁多野，有得退稅50,000WON。

大家去到退稅COUNTER前，記住去後面有個位蓋印先好去退稅COUNTER排隊。

辦理完退稅手續，終於取回50,000WON。到時返香港唱返HK$就可以還罰款的其中一部份，幫補一下。咁樣大家就即係每人罰左$100左右。

現在時間係韓國18:54。

本身諗住入機場食野，但原來機場入面冇野食，所以買左兩罐野飲~~~

同埋一件三文治。

GATE 37，上機喇!

我地想坐得寬敞D，所以選了第一排位置，即對住洗手間位置。

我地兩個坐機的左邊，另外兩個就坐另一邊。起飛前影張相先~~~

因為起飛後就長期被簾遮住，見唔到朋友仔們。

睇下佢地幾開心?!一陣你就知~~~

黑仔第三件事係起飛和降落時，同事M和同事B的頭頂跌左D機件出黎。好在她們不是太高先冇撞到。否則，一定會撞到個頭。你話係咪又黑仔，但又好彩呢?

起飛出左事後，空姐都黎睇過。因為架機FULL哂，冇得轉位喎!

落機又再出事!真係比佢嚇個半死。

回程飛機餐~~~

落機後，好快去到行李帶取回行李。幸好大王來接機，車我返屋企。若果唔係都唔知點返屋企~~~

旅程完滿結束，多謝抽空聽我分享~~~~

下一站.......日本AGAIN~~~YEAH~~~