2009年2月14-15日 南丫島家庭日 PART B

終於又有少少時間寫返下我上星期的南丫島之旅。

其實我已經去過南丫島好多次，行山、逛街和食海鮮都試過，所以今次都冇做呢D野，只係燒下野食、睇下VCD和打麻雀。

二月十五日的早上，尋晚打麻雀打到淩晨三點，今朝十點多起身，但都好似冇乜點訓過咁~~~

起身，又可以品嚐大王炮製的早餐，豐富美味。(張相影到震左...)

食完早餐，執好D垃圾，大家就出去行下。

沿住海灘方向行~~~但今次唔會行去發電站和索罟灣，因為今天天氣焗促，會熱死人。

呢間雜架攤賣O既野幾有特色。

好多鍊鍊~~~

黎南丫島當然要試下阿婆豆腐花啦!唔係都唔好同人講你黎過南丫島。

有涷有熱-->7元

豆漿-->6元

賣下廣告先~~~

去到沙灘...哈哈..好快就調頭走，因為大家都汗流狹背，想返去渡假屋休息下。

近距離的三枝野....被大霧籠罩。

見到香蕉嗎?!好想摘返屋企試下~~HAHA

我地又返黎又香又滑又平的阿婆豆腐花，頭先冇食，宜家回程先坐低休息下。

但阿婆又唔見喇!有個大叔咋~~~

沒有涷豆腐花，只有熱的~~OH MY GOD...所以我唔食喇!因為之前都試過~~~

哈...都幾美味~~~

MY FAMILY

好CUTE的狗狗..但佢行得太快喇!

古惑的貓~~又有點呆呆味道。HAHA

返到渡假屋休息一陣，結果即係又走左去打幾鋪麻雀。大王就同我爸睇住個雪花電視刨馬仔。哈....

一點多，今次真係要走喇!去返市集的一間香薰店買香薰。

經過這個餐廳，外面的佈置好靚，好有FEEL。

就係呢間叫BOOKWORM CAFE，唔知係咪好多書虫呢~~~

行返去碼頭途中，見到有人捕魚。聽聞有條七八斤的魚跳左上黎。我想繼續八卦落去O家...但...要趕船喇!

返到香港落船即見到碼頭旁邊有人中魚，枝竿彎哂...跑去望下....

原來上左條鱸魚，約一至兩斤。原來碼頭真係有魚釣O家~~~

叔叔就開心喇!有餐食喇!

正如天文台所料，今日IFC被大霧籠罩。整幢IFC好似隱形左...

南丫島之旅完滿結束。當然，我們會再黎啦!