2009年2月14-15日 南丫島家庭日 PART A

今年的情人節好充實的去了南丫島玩了兩日。

名副其實的家庭日，有我一家和大王一家人。

熟識我的朋友也知道我最喜愛的離島就是南丫島。去長州、梅窩、坪州和大嶼山等等，感覺也不及一次去南丫島那樣舒服和悠閒。

我鍾意南丫島有好多外國人居住，他們會帶不同種類的狗狗行街。雖然我驚狗狗，但見到牠們那麼可愛，又想影低佢。

今天多雲大霧。

去到渡假屋放低行李，安頓好之後就睇下演唱會DVD。不久之後，我地又再出去行下街，食個下午茶。

去左呢間牛記食TEA，價錢便宜，而且製作都算係咁~~~

你睇?!炒貴刁都係$28。

紅豆冰!正!不過我太飽，所以飲檸茶。

大王點的什會炒麵。

班腩炒河。

炒貴刁~~

總括黎講，飲品味道唔錯，食物都OK。以這個價錢已經算係唔錯。

其實南丫島仲有好多特色野食，呢個係我對呢個島情有獨鍾的原因。

好似有士耳其烤肉卡巴和PIZZA。見到人地食得好美味....但我太飽，沒有嘗試食。

SHELLY HOME MADE CAKE SHOP....係每日親手自己整O既蛋糕，電視都訪問過佢。手快有，手慢冇。賣哂就刪掉~~~好明顯呢幾款應該係銷量最好啦!我都想食豆腐芝士餅。

CHEESECAKE店的對面就係好多排除食的串燒。正正正!我好多年前已經食過。豬頸肉好好味~~

$10一包涼果。口痕痕買左幾包黎食~~~~

奇異東片和薄荷檸檬等等~~~

馳名的醬料。 上次試過沙嗲醬，用黎BBQ，好味到.......之後再用D黎煮麵食..又係好味到呢...

就係呢間「金卷食品」買O家~~~

一間好有特色的BAR...落船行幾步路就見到~~夜晚有波睇。

又去到碼頭，接妹妹和細佬入黎。大王幫我拍攝的，突然間覺得自己好似拍緊旅遊特輯咁...

返到渡假屋，夠人數開麻雀打。我地係亂咁玩LEVEL，不過都玩一蚊雞一番O家!

為大家介紹下呢包車打芝士旋風圈$18，係南丫島一間士多買，唔知出面有冇得買。

勁好味~~~連嘴尖尖的大王食過都話正!

好旋風O家!

七點幾再去接埋阿爸阿媽和細妹入黎，我地O既BBQ晚會就開始喇!

勁多食物......大王為我準備特色腸腸~~~和香檳~~~

哈.....還有至愛燒菠蘿和我唔食得O既安格斯牛柳粒。

一行十人BBQ~~~

好貴的腸...差唔多十蚊一條....但燒完加埋茄汁真係好味到不得了!

大王又黎燒三文魚頭.....

燒完BBQ，我地返入屋打麻雀，打到淩晨三點。途中，我都唔知自己做乜，都可以食到鋪自摸九番，一鋪收$27...哈哈...爽呀!

(待續)