由於今天晚上有事要做，所以決定今個星期六即今天釣早水。
哈哈...早水對我們來說當然不是晨光水啦!
六點幾起身，之後食早餐，駕車入北潭涌再乘94巴士入黃石碼頭。今天，我們要趕往灣仔的頭班船(9:40A.M.)
這是等94號半小時一班的巴士無聊同個牌影相。大王叫我咁樣拎住支竿扮型~~~哈
大王呆呆地等巴士。熱到無心機....
好彩趕到9:40的頭班船往灣仔。普通渡船費$15~~~這航班只有逢星期六、星期日及公眾假期才開~~~~
「閣下在此」即黃石碼頭。我們的目的地是灣仔南風灣。唔BOAT GAME唯有步行乘渡輪前往。
船黎喇!都遲左少少~~~
去到灣仔約十點。今日好大風....所以好難FIT。左FIT右FIT前FIT都好難控制D絲。
再加上今日係死流，所以我都打定輸數釣唔到....
所以...突然然有D野賴下賴下....抽起支竿個時已經CLICK石，但又發覺可以抽得起...
漸漸發覺有D重量...原來真係我地O既目標魷....好開心...有點難以置信...因為覺得今日咁大風加上死流好難釣...
你睇隻大魷尾都有少少份量~~~
大尾魷獨照....
今次唔係邪惡眼晴...而係呆滯的眼神
未幾，大王去我個位同我O既方法去釣都釣到~~~~
顏色都幾靚O家~~~
至中午時份開始愈來愈曬...攪到我要匿埋係樹蔭下....但釣況不太理想....
一個鐘一班船...又黎喇!
灣仔係露營之地~~~環境唔錯。記得以前行山曾經來過呢度。
若果唔大風，其實呢個位置都唔錯。你睇?!成地都係墨。有個大叔話佢尋晚係度釣到5隻~~~
我地搭呢班兩點O既船走喇~~~趕時間走..又爛玩
呢個係另一個可以一試的釣點...
大王同船長叔叔大談南油經歷....傾得好開心....
兩點半左右就落船，不過三時先有巴士....呆等半個鐘...
玩左一陣都叫有D交代。起碼又著魷魚衫，果然實釣到。哈哈...唔通件衫真係開左光先賣比人?!
噢...又要等一個星期先可以再釣大尾魷......
沒有留言:
張貼留言