2008年10月7日 向大海出發之煲薑

經吞拿大王的安排下，今天第一次坐快艇釣魚，俗稱「煲薑」。團員還有blog友小銘、林小信、JL、大王和我。有幾位大師傅係度，都咪話冇「吔LEE」。

煲薑要頂得住風浪，而且要比較小心，但我覺得問題不大。我最驚就係會跌落海O即..

我們在大埔三門仔上艇。八點多來到附近餐廳吃個早餐先。

餐後剛巧有三隻白雪雪的狗經過。佢地好大隻，好純好可愛。但由於我驚狗，所以只可以遠觀而不可褻玩...

我覺得呢張相影到小銘好似想箍死隻狗咁....不過隻狗仔又真係好LIKE佢O既

已

好CUTE好白的狗狗

大家SET好竿就準備上艇喇!

出發喇!好快....雖然大風，但又好舒服~~~

樹生叔叔好型....聞名不如見面。

起初以為佢有鬍鬚好似好惡咁...原來係好NICE O家..

呢兩位的而且確係...痴孖B...咁大個仲扮CUTE...哈哈

我地仲要經過繩網陣附近的水警...

好彩冇CHECK我地身份證，因為表面上睇我地都冇一個似壞人O既..

我地的O既竿和姣蝦...真係對小銘唔住..因為隻蝦成日飛出黎

去到第一個位。小銘同林小信已經好快開齋...

JL哥哥呢張相好型..好似賣廣告咁

而中午時份，我同大王都未釣到。不過我唔會灰心，始終我都係初學者嘛~~

我們上岸去左塔門午餐，就係下面間餐廳。可能因為假日關係，叫了的食物要等差不多一個小時才來到，有點誇張。唉...唔通唔等咩?!唔等冇得食

JL食得津津有味~~

痴孖B又黎...都羡慕佢地大家都有個志同道合O既朋友...

之後同行O既師傅們話帶我地去一定釣到O既地方...我就繼續靜心等候大尾魷的出現...

後來，皇天不負有心人...我終於成功開齋喇!

第一次煲薑的第一隻魷...意義重大...哈...唔駛再用毛巾捉住隻大尾魷黎影相...始終都要用紅藍精神(紅色竿和藍色攪...其實紅藍精神係隻馬名)先開到齋

之後我都開始釣到幾隻魷..有大有細...細個D放生左..最緊要係將新竿RAYCAL開齋...開左光之後先老黎...

再好彩地上到隻針墨...冇影相...

其實今次都好多謝幾位師傅的教導先可以有進步...希望以後多多指教~~~

四位男子的合照...中間有位人兄的衫有和大尾魷大戰後的痕跡....

攞左D返屋企整黎食...

今晚的晚餐...大尾魷兩味~~~

突然間對這活動有濃厚的興趣，要努力去學習先...

煲薑的最大優點係轉位轉得好快....呢個遊戲就係可以在有限的時間內釣最多的魷...同埋唔同O既位可以學習不同的釣法

期待未來的第二次煲薑....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

小銘的BLOG: http://hk.myblog.yahoo.com/ming223fishing/article?mid=4586

JL的BLOG: http://hk.myblog.yahoo.com/jumping_fishy/article?mid=307