好....等我繼續講返第二次煲薑fit魷記先。
由於之前睇左天文台網頁話今日可能下午一點轉流,所以我地釣到兩點幾先去塔門食飯。
到逹塔門喇!好悠閒假日feel,沒有太多人....good~~~起碼食飯唔駛等成個幾鐘先有得食。
水好清~~~見到有海膽和小尾魷仔。
照舊去返個度食飯。有位靚仔o既侍應哥哥走埋黎問我地食乜....我估呢間鋪有左呢位靚仔侍應生意會大增,不少少女會慕名而來。
不過佢唔好插枝筆係耳仔度可能會冇咁土氣。
蝦醬鮮魷炒飯,唔錯唔錯....
义燒炒一丁,都好好味~~~
靚仔侍應哥哥坐埋黎同我地食飯...哈哈
仲好cute
食完飯去到上次第一個去o既位釣。由於太大暗湧,我驚跌左海,所以坐定定,等佢地有人fit到魷先釣。
四位男士好比心機....
後來轉去一個冇咁湧o既位,麥老闆成功釣到一隻ok size的魷上黎振奮下士氣。
唔該哂老闆幫我地放魷落沙倉。
後來又轉左位,不過都唔係好企得穩。無意中,誤中左一隻魷,我feel到佢有d份量。不過收返黎個時甩左,師兄們叫我再放返去原先個位,大尾魷先生可能會再攬隻蝦。果然,一下就釣得返佢上黎。原來係...咁大隻o家~~~
我收上黎果時都覺得有d重,這是小女子釣得有史以來最大隻的魷。
thank my god....又是紅藍精神帶給我的好運。
這是一隻大尾魷先生。顏色好靚~~~
用師傅的daiwa尺度之下原來個筒有27cm長。
最後去到一個靜水位。fit左一陣,大家都無料到。
後來,我終於係呢度開齋,大家先冇放棄。
我的大王都有係度上到魷,仲影左張扮o架仔相...哈哈....同件衫絕好釣好同出一徹,真係賣哂廣告。raycal and sephia bb攪上~~
老闆都唔執輸
大王又中喇~~~冷靜d~~~
哈哈....呢張反而有o架仔feel喎..
回程時見到沙倉的一隻大尾魷好似豬豬俠咁想偷走,場面攪笑....
後記: 本身諗住今日係紅藍精神最後出賽日,從此以後就退役。今日反而我釣到的所有魷都係佢幫我上。佢好似一隻馬,諗住要佢退役,佢反而老馬有點火氣。紅藍精神好有靈性。
在我今日釣魷的過程中,我冷靜地反思。
我覺得...
它彷彿悄悄地告訴我它不捨得我,不捨得離我而去。
要永遠在我身邊侍奉我。
我又'奶'野啦 (仲嘔緊呢)
回覆刪除[版主回覆10/29/2008 21:12:00]唔好意思....我快d加新一篇等你睇唔到先
我覺得如果o個個waiter換過件乾淨Do既衫會靚仔D lo~~~~~
回覆刪除我覺得如果o個個waiter換過件乾淨Do既衫會靚仔D lo~~~~~
回覆刪除[版主回覆10/29/2008 23:04:00]哈...唔係呀....好似幅國畫咁都幾有藝術氣息呀
個waiter真係靚仔!!我話嘅!!
回覆刪除仲有waiter件衫咁污糟都係因為佢有樂於助人嘅精神!
佢嘅品格同神一樣咁偉大!!ok?
[版主回覆10/29/2008 23:14:00]哈...個waiter的確唔錯
人品又唔錯(樂於助人),又帥....
各方好友,若果對此男子有興趣就話我知啦!哈哈
你日後可照出個樣野架, 不用理我的 . 我有個方法, 如再有 '個樣野' 的話, 煩請你在標題處括住 (甘太免睇), 咁我就醒目唔睇架啦, 咁你咪可以照樣出囉, 因這是我個人的問題, 冇理由要你就我架嘛, 係咪
回覆刪除[版主回覆11/03/2008 19:46:00]哈哈...我知道了...多謝你的提議
"各方好友,若果對此男子有興趣就話我知啦!哈哈 "
回覆刪除乜唔係各方好狗,若果對此男子有興趣就話我知啦!哈哈
[版主回覆11/03/2008 19:47:00]哈哈....各方好友,你地O既狗狗若對此男子有興趣就話我知啦