2008年8月1-3日 咁大個女第一次出南海油田釣魚(一)

今次係我第一次出南海油田釣魚。其實上年吞拿大王去個時，我已經覺得南海油田離我好遠，每次都好肯定自己唔會跟佢去，因為我唔識游水，見到個海會好驚，仲要個海係好深好深，下面好多大魚。跌左落去一定冇命返上黎，所以每次佢好想我同佢去，我都堅持唔會去。

就因為佢咁想我同佢去，今次，我放下堅持去參予一下這個高難度的挑戰。

晚上九點，我地一行十六人從鯉魚門三家村碼頭出發。

下面係對面海的柴灣夜景....

我地就係坐肥雞隻船...肥雞係一個肥嘟嘟的船家。

心情好興奮，出發喇!

團員一齊黎張大合照....約有一半人我係識o既...

吞拿大王叫我有幾頹得幾頹，叫我唔好戴con唔好gel頭，所以整個旅程都係以超頹look出現。右上角黃衫人就是肥雞船長。

吞拿大王和大甘~~~

我和吞拿大王...上面o既繩係比我地捉住黎係大風浪時平衡身體。

好豐富的宵夜...不過我已經食左晚餐，所以食唔落...

你睇d師兄食得幾滋味?!

吞拿大王開始set炮架，因為set完可以訓覺喇!

訓個時都冇乜事，有少少浪...可以訓到。

但清晨六點多醒來，好大浪，feel到成架船係有時側埋一邊。訓係度o既人可以sir黎sir去，撞頭撞腳。我個下有d驚，會唔會之後都係咁，因為我唔知自己頂唔頂得順。

我問吞拿大王，咁樣係咪正常o家?佢話係，佢話平時都係咁....oh my god.....即刻再食返粒白兔牌暈浪丸先。

起身刷牙洗臉後就影下相。見到油井喇!個天仲唔錯，不過頗為大浪o即~~~

佢地話有四級風喎!

早餐有....正呀!好健康~~~

小籠包.....

鮮茄腸腸蟹柳火腿通心粉...i like it~~~

我地先到達新井。第一次近距離見到油井，心情好興奮。上面仲見到好多工人做緊野。係度釣左一陣，全船人都冇釣到魚，應該話釣左十幾分鐘，已經有架拖鉢好快咁行埋黎。

原來呢d叫拖鉢。呢d拖鉢其實幾靚仔，不過見到佢地大家都好唔高興，因為知道一定唔駛旨意可以釣魚。好快佢已經走埋黎咁鉢鉢聲......趕你走喇!

呢架南油211拖鉢就咁趕走左我地....要棄井坐兩個鐘船去八枝樁。

再見喇~~~~~

(待續)