炎炎夏日的星期天，沒有了釣魚節目，今次想到酒店hea一hea食tea buffet。
今朝打去萬豪咖啡室訂位已經full左，真誇張。後來到open rice search下可以去邊度食，考慮過island shangri la，怡東和港麗酒店，最後還是再試一試幾年前去過的royal garden tea buffet，主要原因是看到comment 較以前positive和有open rice 85折coupon。
今次我都覺得員工的服務態度較以前大為改善。
第一樣食的當然是沙律~~~~
有蝴蝶粉沙律、俄羅斯沙律、日式冷麵和壽司卷。
帝苑酒店有間vietnam 餐廳，所以這裡也少不了有越式湯河。
湯底方面有清雞湯和喇吵湯底。麵方面有油麵、河粉和米粉選擇。
餸方面有扎肉、彈牙貢丸牛丸和墨魚丸、水餃、金菇和菜。
再加上可以自由調味，加上芫茜和少許魚露，這個麵會更加香和好有越式風味。正...
這個是香蕉朱古力pancake配stawberry jam。還有飛碟，配料可供選擇。
以下是部份熟食。
當然不少得dessert甜品啦!有我食過最好食的tiramisu....
blueberry cheesecake、紅豆豆腐布甸、芒果士多啤莉布甸和芝麻芒果呍呢拿脆餅。
今次的甜品系列，遠處還有木槺布甸、cream puff和綠茶豆腐布甸。
今次要特別介紹這個芒果黑芝麻呍呢嗱脆餅。首先海棉蛋糕的軟，加上有層黑芝麻做成的脆，芒果的鮮味和芝麻的香味配合在一起，味道好有新鮮感和口感唔錯。
彈牙燒賣~~~唔似叮叮燒賣咁簡單~~~
特別介紹就係haagen-dazs朱古力火鍋。嘩...正呀!諗都冇諗過會係tea buffet有得食d咁o既野!佢地話係尋日開始有得係tea buffet度送。每人有一杯六舊的haagen-dazs雪糕。係haagen dazs食都好貴o家!宜家可以送埋比你，仲要一人六個雪糕球，真係．．．抵呀！
最美味就係士多啤莉雪糕。外面一層薄脆朱古力包著鮮甜非常的士多啤莉...真是人生一大樂事!
呢個係一個正面的示範~~~
royal garden帝苑greenery tea buffet價錢$188加10% charge，print open rice coupon有85折，即每人加一後$178，仲有朱古力火鍋食，乜都抵返哂啦!
你有大把本錢食啦, 你咁FIT, 我同老公現在都好少吃BUFFET 啦. QUOTA用完好耐架啦, 食嘢要楝來食先得呢
回覆刪除[版主回覆08/04/2008 22:05:00]唔好講笑啦!
我都冇quota食o家...
真係好吸引啊~！仲超級抵！可惜我無本錢食，亦無人會同我去食tea buffet 呢！嗚嗚~！
回覆刪除[版主回覆08/04/2008 22:06:00]哈....食tea buffet唔駛本錢o家....我冇本錢都係咁食，食完先減啦!
我在八月九號試咗啦. 我覺得麻麻地.選擇唔係好多, 而佢嗰個雪糕賣點, 我就更加覺得唔係好吸引啦, 可能唔鐘意食佢嗰個牌子的雪糕兼每人六粒, 我們一共六人, 有5個起碼食剩擺番响樹. 而我走個陣, 見到佢的DINNER BUFFET要408元一位, 嘩, 我太耐冇食自助餐了, 現在貴咗咁多架 還記得20年前, 新世界酒店咖啡室自助餐都係98元一位咋 (弊啦, 想當年添 )
回覆刪除[版主回覆08/12/2008 23:36:00]可能因為你唔鍾意食haagen-dazs雪糕就覺得唔抵食...
我都主要係因為haagen-dazs朱古力火鍋先覺得抵咋!出面食好貴家