2008年8月1-3日 咁大個女第一次出南海油田釣魚(二)

訓左兩個鐘船程去八枝樁，因為咁大浪，唔訓覺養足精神真係冇野做。

係八枝樁唔記得影相。放南極蝦仔落去，間唔中見到少少池魚。係船側釣唔到，風浪太大。後來去左船尾放流釣，但呢度o既環境太惡劣。點惡劣?四五級風浪呀!企都企唔穩，再加上係船尾，一高一低成十尺浪都有呀!只係覺得自己係度玩緊海盜船。

我一邊攞住枝竿，一邊捉住上面的鐵，唔係我一早跌左落海喇!

好快，我釣得第一條南油魚魚就係池魚喇!好開心~~~後來有d人中到幾條蕃薯....我企都企唔穩，釣到條池魚已經行開左喇!再加上船尾實在太多人。

後來，見d魚已經唔開口，有人提議去雙子井。

呢度就係雙子井，兩個井連於一起~~~見到已經好振奮~~~

你睇...未行埋去已經見到拖鉢鉢緊兩隻船。點埋去呀?!

大家都好灰心，去到邊都有拖鉢，釣乜魚呀?!

大家趁住拖鉢去鉢第二架船，快d釣幾下先...

好快隻拖鉢已經玩捉迷藏咁...追完呢隻船又鉢第二隻船。我地已經無路可走，唔可以再嘥時間去第二個井，所以堅持要等d拖鉢收工係呢度紮營。

我地係個井度周圍走，隻拖鉢見我地賴死唔走，終於黎攪我地。

最後更激到佢地好嬲咁以高速追向我地，仲射埋水....真係第一次見。

你睇追得幾近?!好決心咁唔比我地接近油井。唔知佢會唔會真係射埋黎呢?

唔係激嬲佢都影唔到呢張靚相，好壯觀。

迫我地逃離到好遠之後，佢都轉左方向走....可能佢地夠鐘收工喇!哈哈....

當然我地又用左幾個字o既時間返去油井紮營~~~~終於安靜咁釣下魚喇!

又係時間食晚餐~~~~好豐富...樣樣都好食~~~

有梅菜蒸排骨、涼瓜豬肉、肉餅和炒通菜等等...

開始日落喇!隨時有巨物出現。

好大浪呀!

仲有一段

日落下的油井，好迷人~~~~

tuna大王~~~

係樁邊釣都冇乜魚釣....大家都冇乜魚中~~~~

用生池魚仔做餌....

釣到十一點幾都冇魚釣，我又比d浪攪到好眼訓...所以就捨得吞拿大王自己走左去訓覺。訓到半夜三點多起左身，聽到出面好嘈，所以就起身。原來人地釣到d紅鮪、章紅和班，但都唔係好多條。

我決定唔訓陪吞拿大王。出面好大流，打沈底都要用好重鉛放到120 mo既海底。

但太大流，所以成日同對面船或自己船o既人click哂d絲。都唔知點釣.....你無事，人地唔識釣就已經click到你唔駛釣。

五點多，天開始光。本身個天同海都黑哂，一分鐘都唔夠已經出左少少陽光喇!

好靚~~~~~

又光多少少~~~晨光第一線....好浪漫

離開油井的一刻，仲靚~~~好美的一幅圖畫.....我會記住呢一刻~~~

一望無際的海上日出原來係咁靚

突然間覺得人生係充滿希望~~~

(待續)