今晚同大王去了兆萬八樓的木村日式放題。其實本身是去兆萬另一間出名的放題，但因為廚房停電，所以停業一天先諗住就腳去八樓試下。
可能因為七點WALK IN，所以仲有位，所以唔駛點等就可以入座。但呢度O既坐位實在太迫，張枱又細，行出行入一定整到隔離枱，環境方面已經扣左分。
之後就拎ORDER紙點食物，第一件事先叫飲品已經覺得好失望，得可樂、美蓮達、甜金柑蜜、龍眼蜜和綠茶。我們叫了甜柑桔蜜和龍眼蜜，但覺得D味好假，所以飲品方面都已經無乜興趣喇!
咁就叫食物啦!若果講食物質素，我覺得除左刺身係OK之外(因為唔需要技巧，只需著重刺身師傅的刀功)，其他都好無誠意。燒雞翼和雞腎淡而無味，雞軟骨雪氣重，炸餃子皮厚等等....(下刪一百字)
有乜野食我唔講喇!我主要想講係佢地其他問題:
(1) 漏單程度難以接受: 我理解好多放題地方都有漏單的情況，但這裡的漏單程度係好嚴重。基本上你一次過比幾張ORDER紙佢總有好大部份係唔會有食物出現。呢個情況係我旁邊的兩張枱都發生呢個情況。無叫O既又黎左，嗌左好多次和追左好多次O既食物就無出現過。
問佢侍應，佢竟然叫你再填過，但已經填左兩次都唔見左?!
(2) 地方狹窄: 由於地方太狹窄，傳菜的侍應拿著的盆就經常係你背脊和旁邊撞黎撞去，真係好危險。有侍應仲好唔小心倒瀉野係客人件衫上，但竟然望左兩望就當無件事發生過。呢種態度真係令人覺得側目。
(3) 食物數量錯: 明明叫了A食物1件，B食物2件，但黎度O既時候就倒轉。這個問題是其他座上客也同樣遇到。
(4) 收銀極度混亂: 仲有半個鐘先完左個時段，已經話LAST ORDER。我地等左好耐食物，落完又落ORDER，大部份時間都係度等，唔知食左D乜就話我埋單。我比左張信用咭埋單，等左大約10分鐘都唔見佢拎返黎比我簽。於是男友就去CASHIER問佢，佢話無收過我地張咭，話無見過。
我未試過去食肆簽咭會話比我聽無收過張咭，呢個問題真係好嚴重。後來佢搵左一陣先係CASHIER搵返我張咭。
我地同經理投訴，佢話經理今日唔係度，態度真係好差!
若果最後都係搵唔返張信用咭係咪要報警呢?
總括來說，未試過食物同安排都咁差O既鋪頭，絕對唔會再去!
大家若果行開去旺角想搵食都唔好上左去，因為真係會食到一肚氣呀!
嘩, 咁都得 (張咭都可以話冇收過 )
回覆刪除[版主回覆08/04/2010 23:18:00]係呀..真係離哂大譜....仲要唔理我地O既投訴，話經理今日唔係度...跟本上就日日都無經理...佢講哂啦!
唔駛講咁多...大家都唔好去以免中招!
你小心張咭俾人盜用呀!
回覆刪除[版主回覆08/04/2010 23:15:00]係呀....好驚呀!我都係第一次有咁O既經歷，真係令人好嬲~~
實在令人髮指! ... 無下次
回覆刪除[版主回覆08/04/2010 23:13:00]係呀!我地要求其實唔係好高，唔知點解佢地真係每一樣都做得唔好，係令到人好嬲個隻。
本身已經覺得漏單都算，但聽到佢話唔見左張咭真係好嬲!
若果真係唔見左，我會報警....因為我懷疑佢地D員工偷左我張咭....記住唔好去!我地枱枱都食到一肚氣
咁既 service 都有既! 快 d 去openrice 俾個 "喊" 佢啦
回覆刪除[版主回覆08/04/2010 23:09:00]無錯!所以我尋晚返到屋企已經第一時間係OPEN RICE出第一篇POST，宜家登左出黎喇!大家記得唔好去呀!
上次我想去松屋架. 點知停電, 唸住去呢間試下. 點知去到門口同我講無啤酒飲, 我屋企人就話吾食, 真係好彩, 如果吾係... 我都要受同樣既苦
回覆刪除[版主回覆08/05/2010 16:10:00]我去個日都係松屋停電呀!唔通係同一日?
好彩你無去到木村咋!唔係就一肚氣喇!真係嘥錢又勞氣~~
嘩，我都曾經諗過去架，好彩最後揀左「藏」咋﹗多謝報料﹗﹗
回覆刪除[版主回覆08/13/2010 00:24:00]咁你真係好彩喇!記住叫埋其他人唔好去呀!
多謝分享 我一定唔會去架
回覆刪除[版主回覆08/13/2010 00:23:00]係呀...記住叫埋其他人唔好去，因為真係無謂嘥錢又谷氣呀!
好玩遊戲 - ←點我進入~^^
回覆刪除免費美女視訊 聊天