六週年零一個月紀念日晚餐@寶哥味館

今天又是十二號的日子，同時間是我和大王拍拖六年零一個月的大日子，還有是離真正大日子還剩七個月的日子，真是一個可喜可賀的時間，所以大王少有地安排了食飯的地方。抵讚!

今次去的地方是位於太子西洋菜街218號-220號生發大廈2樓，即是始創中心隔離的紅螞蟻的旁邊樓上。這裡主要是食港式鐵板燒和火鍋，招牌食物是牛肉、立魚湯底和四川麻辣湯底。

這是貼於LIFT內的詳細介紹。醬料每位$8，另加一服務費，任食兩小時。

特級A5和牛拼盤  (成人每位$328)

特選和牛併盤: 和牛肉、和牛粒、牛峰和牛舌  (成人每位$158)

特選海鮮拼盤: 中蝦/螺片、帆立貝、鮮帶子 (成人每位$158)

至尊黑豚拼盤: 日本黑豚、澳黑毛豬、豬扒和肉眼根  (成人每位$158)

四個人只需比3個人價錢。

自選醬料，好少見到有麻醬和芝麻，是SHABU SHABU的主角之一。

嘩!至尊黑豚拼盤: 日本黑豚、澳黑毛豬、豬扒和肉眼根~~賣相吸引!

除了一人一份拼盤之外，還有數十款的火鍋和鐵板燒食物可供選擇。

當然又是燒牛啦!

少見的火鍋食物---醉雞。

特選和牛併盤: 和牛肉、和牛粒、牛峰和牛舌。必食!中間兩塊淺色的叫做牛峰，第一次食到這樣彈牙和爽的牛肉。

每人一份拼盤再送頭盤，今次是三文魚子海哲。

哈哈...又有火鍋，又有鐵板燒，一次滿足哂兩個願望。

我們叫了一個海底椰湯底，真的有好香的海底椰味道，食落會無咁溜。

基本的火鍋/燒烤食物...紅腸、魷魚、腸仔和魚皮餃等。

YUMMY YUMMY燒牛肉配麻醬~~~

掛住影相，突然間發覺我隻碟已經有好多食物喇!牛肉拼盤系列，好味到要ENCORE。

又燒下又滾下又唔錯喎!

要讚一下各店員的服務態度都好好，加水加茶收碟快，自動自覺去SERVE你，呢度服務態度都比較少見。

溫馨提示，請珍惜食品。我和大王今次好乖，可能眼闊肚窄，所以食量不太多。

因為紀念日慶祝關係，破戒食牛。哈哈~~

炸響鈴和炸魚皮。魚皮都幾香脆呀!

海鮮系列有扇貝、象拔蚌、燒魷魚鬚和魭魚片等。

繼續努力(個胃)!

大王還拎了雞和腎，我都不太好這兩樣食物。

店內環境都幾光猛，又有電視睇。多人可以BOOK圓台，圍在一起打邊爐又真係幾WARM，仲要買三送一，買六送二，都幾抵呀!

有DBS/大新信用咭有九折，即免加一。

部份BUFFET BAR

另外還有......

大王還整左個「蔬菜什菇拼盤」，好似平時打邊爐見到人地個D拼盤，但今次係自己拼，當堂高級哂!

我燒燒下兩塊圓圓的雞脾菇，突然間靈感一到。本身諗住砌隻KEROPI 大眼青蛙出黎，點知變成......一個好似哈哈笑模樣的公仔，彷彿與我們一同分享快樂。

食得好飽喇!仲有好多食物無食，例如椰汁糕、楊枝金露和天婦羅等等。

最後當然要食個雪糕BALANCE返D鹹味啦!我要豆腐味和紅荳味雪糕~~~

飲品有酸梅湯和夏枯草可供選擇，若果想飲汽水都只是$12/3枝。

埋單仲送左兩張$70 COUPON下次用，有COUPON又真係幾抵呀!

大家若果想搵個新地方食下燒肉和火鍋放題都可以考慮一下呀!