北上筍崗大購物戰利品介紹

因為實在買了很多東西，諗到需要的就買。

其實我買的價錢也不是最平，因為有些東西明知可以平一兩蚊，但大王就話最後條大數先減，佢話係D平野度減一兩蚊無用。其實諗深一層，上到去筍崗買已經比香港平好多，所以差個少少錢就比人賺下啦!哈哈~~~咁又真係無所謂呢!

最緊要大家出發前整定一個LIST想買D乜野，我北上前都無時間整呀!只係睇住份NOTE要一樣就問一樣，所以就攪左兩個鐘。

我見BLOG友問我整個CHECK LIST，所以我寫呢篇BLOG之前就整個我戰利品LIST比大家參巧一下，因為要買幾多數量係因人而異，同埋有D野係我唔駛買，但你地要買O既。同埋各樣東西都有平和貴版，視乎你想要質素好D定無咁好的....

以下係我的戰利品LIST與價錢作參考。

		數量(件數)	RMB(單價)	RMB TTL
1	出門紅傘	1	15	15
2	茶具套裝	1	55	55
3	衣食碗筷	1	38	38
4	男女上頭套裝	2	9	18
5	囍字拖鞋	2	10	20
6	男女家對聯	2	8	16
7	禮金大利是封(男AND女家)	2	2	4
8	包羅萬有利是封(男AND女家)	2	2	4
9	開門大利是封	1	2	2
10	囍帖回禮利是封(SIZE: 小)(每包50PCS)	5	8	40
11	結婚當日派的利是封(SIZE: 中)(每包50PCS)	4	8	32
12	繡花褂鞋	1	60	60
13	啤牌(一PACK有12副)	1	40	40
14	男上頭睡衣(紫色)	1	55	55
15	女上頭睡衣(紅色)	1	38	38
16	絨面囍字貼	4	4	16
17	囍字紙杯(每PACK 50個)	2	4	8
18	花瓣(每包有120塊)	2	3	6
19	囍字貼紙(每張有50個)	5	2.5	12.5
20	靜電囍字貼	1	8	8
21	大心布囍字貼	2	6	12
22	襟花T字扣	12	0.5	6
23	賀圍巾(一打12條)	2	30	60
24	跪枕	1	23	23
25	繡花球	1	10	10
26	簽名筆	6	5	30
27	絲帶(用來包簽名筆)20米長	1	3	3
28	絲花	2	14	28
				659.5

哈哈....戰利品合照!成張飯枱都唔夠擺~~~見到咁多紅色真係好開心!

同埋...一下子攪掂咁多需要買的東西，係進度表上有好大的PROGRESS。

好...宜家開始介紹下先。

有男女對聯(各RMB 8)

我買的是最基本的對聯門貼。

襟花後面的T字扣，係香港買都要幾蚊一個。但今次用RMB 0.5一個買返黎，買了一打，最後送左3個齊頭15個。好抵呀!

囍字紙杯(RMB 4一條50個)，男女家各備一條。

簽囍帖的囍字貼紙，買了兩款字體。RMB 2.5一張，每張有50個。好抵呀!

過大禮會拎去男家的賀圍巾，本身一打都要RMB 40，好辛苦先講到去RMB 30。最後買了兩打。

上面就係男家上頭套裝，下面就係女家上頭套裝，平民版就RMB 10，豪華版就RMB 18。講價後RMB 9買了平民版。

啤牌原來都唔平。好的質素的咭紙硬淨D，挺身D，就要RMB 3.5一副。平個D就好軟身，RMB 2.5一副，但軟身到一睇就知好頹，見到都已經唔想玩啤牌，所以最後就RMB 40買了一打質素好少少。中間有藍有紅的，即是每副RMB 3.3。大王話RMB 40比佢喎!

今次買得最滿意就是這對平底繡花褂鞋，手工都唔錯，有囍字又有龍鳳，RMB 65。

其他高跟紅色褂鞋就RMB 35，但我唔鍾意，最後RMB 60成交。

雖然都仲好似好高，但已經平過係香港買好多，而且又係心頭好就買啦!

靜電囍貼RMB 8，見到咁多囍字，其實都唔知貼係邊，但買多D就唔駛驚唔夠貼呢!

聽BLOG友講係第二間買就平好多，不過後來叫佢送多五個咭紙囍字貼就成交喇!

跪墊單面CUSHION款一對RMB 23。

我覺得買貴了的囍字拖鞋RMB 10一對。不過算啦!HAHA

五款不同的大利是封RMB 2一個，我們選了不同的款式。禮利大利是、回禮利是、包羅萬有和開門大利是封。

另外還有上面紅色的中型利是封，作為大日子當天派的利是。

下面金色和銀紅色的就小型利是封，作為囍帖中的小利是。

中型同小型利是封，我地都係揀一D貴D和靚D的利是封，所以係RMB 8一PACK50個。若果平D款就無咁多花臣就平一半，即係RMB 4一PACK。哈哈...大家諗下自己需要喇!8

另外還買了五PACK金色和粉紅色回禮封，又係有暗花，所以就RMB 8一PACK 50個。

無錯，中型和小型利是封係同價。最後仲叫佢送多兩小PACK金色小型利是封比我地。

以下喜鵲款都係叫佢送.....買左咁多利是封梗係要送下啦!

我好鍾意呢款暗花囍字封，望上去已經好GRAND，所以就作為女家的當日派的利是封。

男家就用以下這款，有些金粉，又係望上去好有喜慶感覺。

利是封合照~~~

YEAH!好O岩我們口水的紅色傳統茶具套裝RMB 55。

還有同一系列的衣食碗筷RMB 38，送兩對紅筷子。無講價，有送筷子就算!HAHA

衣食碗筷聽聞係女家要買的嫁妝之中，過大禮送去男家。不過有D人就省左呢一部份，視乎需要。

男裝上頭睡衣RMB 55

女裝上頭睡衣RMB 38

佢地話大紅大紫，所以男裝個套係紫紫地色。

茶具、碗筷和紅傘...

至於囍字貼真係唔知揀邊隻款，同埋要買幾多都唔知。聽講最少要係男女家上頭位和出門位貼上。

最後買了四個絨布囍貼RMB 4一個，另外有兩個大SIZE(圖中左邊)的大心布囍字貼RMB6一個。

右邊的一個大囍和四個小囍都係叫佢送，因為買左一張靜電貼RMB 8好似好貴咁..

貼出來的效果，幾靚呀!

係「立興」大概買左咁多野，還送了兩卷雙面膠紙。佢地款式齊全，而且我覺得佢地幾有HEART。雖然有些物品價錢係貴其他鋪少少，但我覺得都值得比佢地賺呀!

另外係第二間文具鋪買左簽名筆。簽名筆就搵唔到UNI三菱牌，隨便買左一款，無講價就RMB 5一枝。我諗住DIY簽名筆呀!但其實乜都唔識~~HAHA

另外呢個攔門紗布繡花球係第二間鋪買，即叫即製，大概十幾分鐘就可以返去拎。

哈...另外還有...

紅繩和雙面膠紙就立興送。

兩包花瓣每包RMB 3有120塊就係立興買，因為唔知可唔可以玩花瓣，所以只買了兩包。我見過有BLOG友係叫立興送。

另外仲有兩束絲花，望上去已經好靚喇!我無講價呀!粉紅色個束都係RMB 8，紫色那束都係RMB 6。我諗加埋一卷20M的粉紅色絲帶RMB 3，應該可以整到5-6枝簽名筆。

哈...希望以上資料幫到咁多位即將結婚的靚靚新娘啦!有乜野問題可以大家分享一下!

若果我買漏左野，遲D搵日返去北上鬆骨時隨便去再SHOPPING多一次呢!