其實離婚期還有七個月也無需要這麼早就去筍崗，但我見大王早幾天說陪我返大陸鬆骨，最後我叫他不如陪我來個「筍崗一日遊」。
之前都睇過好多BLOG友介紹筍崗才令我由一無所知變成略知一二。這幾天，將之前一些BLOG友所提供的資料PRINT出來簡單記一下要買的東西和價錢，所以真的非常多謝各BLOG友的資料提供。
我今次都影了很多相分享給大家看看。
今天十點左右就乘火車出發到深圳再轉乘的士去筍崗，目的地為筍崗倉庫/百合隆文具批發的地方/帝豪酒店旁邊，咁就應該萬無一失。
因為初頭我地講話去筍崗百合隆，司機哥哥車去我地左百合隆買廚具的地方，我見到點解唔係BLOG友介紹的黃色BUILDING先知去錯地方。
其實的士車錢大概RMB 20左右，我們來回都搭的士，因為要大王係這麼高溫的時候陪我熱真係想死咩!
BLOG友BUBIBU對筍崗的位置有極度詳細的介紹~~
http://hk.myblog.yahoo.com/bubibu-bubu/article?mid=6889
我們一去到帝豪酒店旁邊黃色那幢「文具玩具工藝品批發市場」，因為聽見好多BLOG友都在這裡左邊巷第一家(在電梯口旁邊)的「立興喜慶禮品商行」買結婚用品。
其實我們首先行了去右邊巷入的右邊第二間賣結婚用品的店，而且初步問一問價錢，他們開的價已經ACCEPTABLE。
之後轉個彎就見到立興，那麼又走入去問下。基本上問幾樣物品就大概知道貴過第一間鋪。但SERVE我的女人好NICE的逐一而且不厭其煩的拎比我睇，因為我都覺得自己好煩，但服務態度依然很好，所以雖然我知這裡的價錢貴過第一間睇的鋪，最都選擇係度買。因為...
(1) 服務態度不錯，覺得做喜慶生意要令客人開心
(2) 地方較其他寬敞一些
(3) product齊款，有貴有平版選擇
(4) 無必要間間店鋪去格價，因為time cost都係返度
(5) 集中火力係一間買，bargaining power都大d。product a平唔到，product b會平返比你
所以最後大部份物品都係「立興」買。
在「立興」的瘋狂大shopping的過程歷時兩個多小時，真係唔經唔覺，因為我地一邊買一邊揀一邊問，而且又一邊講價呢!
影了一些相片給大家介紹一下~~~
立興的婚慶用品品種齊全，例如有利是封、喜帖、對聯、禮炮、手花、襟花、戒指枕、車頭公仔、跪枕、睡衣、男女上頭套裝、喜字拖鞋、敬茶茶具、衣食碗、喜字貼紙等等。
鋪仔細細，但真係你想買乜都有....
對聯、囍字貼和大利是封等。
店內一角。
大紅燈籠高高掛~~~見到咁多紅色真係人都開心d...
同時間都有幾pair人一齊買，仲要大家都係香港人，大家都拎住一叠筆記(天書)上黎..哈哈....
這店就是這麼大，但你要乜佢都搵到比你。
電梯旁
出門紅傘有些全LACE，有些全紅有LACE邊，有些是紅色有公仔，不同款式價錢也不同。我最後選了一把全紅無公仔有LACE邊的紅傘。
車頭公仔、戒指枕和飾物套裝。
各種顏色的絲帶都有，價錢還比香港便宜很多呢!
當然少不了利是封，大量款式、顏色(主要是紅、金和粉紅)和SIZE選擇。
這些是中型SIZE的利是封。
大家可以初步睇定D款先返上去，因為我就係一邊買先諗要乜野款。
還有這些囍字貼，好靚呀!真係唔知揀邊款....所以影低比大家睇下諗定先啦!
有些是
(1) 絨面/紙質/硬咭紙/金反光面
還有....左邊位置的主要是絨面，
(1)龍鳳圖案/鴛鴦圖案
(2) 大/細SIZE
(3) 圓型/心型
(下)繼續有囍字貼款式
(上)囍字拉花--->最高的是紙質，第三條紅色的是膠質。她們說紙質會易爛，膠質會耐用一點。膠質囍字拉花RMB 5有兩條。
頂頭還可看到車頭公仔的佈置。
哈...排到好長的利是封。睇到呢個情景，要買利是封真係要過黎筍崗買喇!
宜家就介紹下幾款茶具套裝，價錢由三十幾到六十蚊不等。
(1) 紅噹噹囍字茶具套裝: 我地都係鍾意傳統，所以最後以RMB 55買了些套。
(2) 白多紅少的剪紙雙魚版
(3) 茶壺高身少少的傳統茶具
(4) 紅多白少的剪紙雙魚圖案茶具RMB 55。
(5) 又是百年好合系列，茶壺形狀又不同，顏色好像不太紅。
另外還有...
下面是小利是封，作回禮用。
還有褂鞋，大部份高跟褂鞋都要RMB 35。我就買了右邊用膠袋包住那對龍鳳繡花囍字平底褂鞋，好靚呀!不過就貴好多......
茶具套裝
平民版男家上頭套裝開價RMB 10。
豪華版女家上頭套裝開價RMB 18。
跪墊都有幾款，這個正中間大的是單面跪墊開價RMB 25。
圖上面少少的就是貴少少的雙面跪墊。
另外還有較貴的平墊，好似差唔多差一半價錢。我們最後買了上面單面那個，因為CUSHION形狀可以日後作為屋企CUSHION，平墊用途相對較少。
以下這款叫靜電貼(MAGIC STICKER)。買定做個「士啤」，可以貼邊度都得。
今次大SHOPPING和講價的過程好開心。
雖然自己都知道有些東西買貴了，有些又買平了，但原來點都好，洗這些錢都特別開心。
好耐無這樣痛快的購物喇!一次過KO這麼多ITEM真的很痛快呀!
希望以上相片可以幫助大家在出發前列定一個購物清單出來，這樣就更快更有效率。
還有就是...我以為BLOG友講笑，原來真的要拖一個大行李箱上去。我們只拉一架手拉車，最後要另外HAND CARRY三袋返來。
下一篇繼續分享，密切留意!
哇~~真係好好好好齊全呀~
回覆刪除我仲有年半先BD~應該唔洗咁早去買~~
你有無一份check list呀?
(其實我都唔知咩野要買~!!!嘰~)
[版主回覆08/16/2010 22:27:00]我睇下遲D整份CHECK LIST啦!
其實我都唔知有乜野要買O家.....不過基本O既都知O既....你睇得多人地BLOG就知要買乜野..HAHA
我都係o係立興買咖！真係比香港平好多！正！
回覆刪除[版主回覆08/16/2010 22:25:00]哈...其實我去第二間問價錢係平過立興，但最後都係去立興買，因為佢地齊款好多...咁買得多，BARGAINING POWER又大D呢~~~
你的資料勁有用,多謝你無私的分享ar
回覆刪除睇緊你篇野,果時個感覺好似同你上左去買咁~好興奮呢~haha
[版主回覆08/16/2010 22:24:00]係呀!因為我搵資料的過程中都想要呢方面資料MA...所以一場去到就影相返黎比大家睇。
我下篇BLOG就POST一D我買左O既戰利品~~
HAHA....真係好興奮呀!你到時去就知喇!仲要樣樣講價，真係好攪笑...
好齊呀~ 等我都睇定想要咩利是封款先~
回覆刪除[版主回覆08/16/2010 22:19:00]係呀...你初步睇下D款同埋想要乜野顏色先...到時就唔駛用咁多時間諗喇!
嘩, 寫得好詳盡呀! 等我"刨"下你d資料先
回覆刪除thanks!
[版主回覆08/21/2010 00:33:00]多謝CC~~哈...我太心急...同埋想大SHOPPING，所以咁快走左上去一轉...HAHA
嘩, 寫得好詳盡呀! 等我"刨"下你d資料先
回覆刪除thanks!
我果日好想買佢掛咗係度幅囍字廉,但係佢話無貨呢>.<
回覆刪除[版主回覆08/21/2010 01:10:00]哈...或者若果有其他朋友上開去可以幫你睇下有無貨呀!
錫晒你呀,好詳盡呀,原來有高身的茶壺...I LIKE IT~~
回覆刪除[版主回覆08/21/2010 00:30:00]哈....多謝你呀!密切留意下一篇啦!
我會POST我D戰利品出黎~~~HAHA
我正打算想去筍崗一趟...剛好睇見你的POST,超詳細資料呀,fit晒......^^
回覆刪除我想問一問,係咪一般坐的士去筍崗,d的士司機都一定知道架? 需唔需要寫低地址比佢睇
[版主回覆08/21/2010 00:28:00]哈哈...希望D相幫到大家呀!
我地坐的士去筍崗，我講話去百合隆，點知佢車左我地去百合隆廚具市場，所以佢地未必會去O岩地方。
我覺得你講筍崗倉庫或帝豪酒店會好D...因為原來講返呢個名佢就識去。
我講埋乜乜路佢都好似唔知我講乜...HAHA
哇... 好仔細...
回覆刪除多謝你既分享
[版主回覆08/22/2010 15:15:00]我寫緊有篇BLOG友戰利品分享~~
你密切留意吖!HAHA
hi...我已經決定去深圳一次~ 請問你可否給我你的shopping list 做一個參考呢~~ thank you very much!!
回覆刪除[版主回覆08/22/2010 15:50:00]你整左個表出黎比大家參考下..
你可以睇下最新篇BLOG
見您d相, 佢多左好多野賣呀, >.<!! 我去果時, 佢得兩三款絲帶炸! 格離仲有首飾tim? 我去果時都未有! 幅囍字廉真係好靚呀! 我上次去又唔見law! 我可以幫大家買落離wo! 不過唔知幾錢? 因為我會再上去, 都會再買埋這個囍字廉呀! ^^
回覆刪除[版主回覆08/25/2010 09:40:00]哈..我係早兩個星期去...佢可能比之前多左野賣~~~
哈...好多人都話想買囍字廉呀!我無買都唔知佢幾錢....我估都係幾十蚊左右~~~HAHA
我都想搵次北上去鬆骨隨便去買D絲花呀!
thanks a lot !!!!!!!!
回覆刪除[版主回覆09/24/2010 17:29:00]多謝支持呀!
hihi~~你寫得好詳細呀~可以跟你成為blog 友嗎?我既big day係出年年底~所以都開始留意有咩可以上大陸買~慳返嘛~~~
回覆刪除[版主回覆10/04/2010 11:21:00]你好呀...大家都係下年結婚..我ADD左你做BLOG友喇!大家多多分享..
大陸真係好多平野買...真係要返去買呀...抵好多
回覆刪除HELO~~~你寫得好詳細呀, 同埋你D相好有用, 可以睇清楚先上去買!!
我ADD 左你拉~~~祝你新婚快樂~~