今天是復活節假期的結束。其實在這五天公眾假期前,我還請了兩天的假,總共就有七日假期。
這七天過得很充實。頭五日,與家人參加了康泰旅行社的華東之旅。其實本身是早在農曆新年後就參加了新華的六天雲南香格里拉玉龍雪山團,誰不知新華果然再次令人失望,說我們的團不夠人,所以不成團,退錢給我們。
這個故事就再一次教訓和認清另一間旅行社。要我們在十日前才得知不成團(這個是他們給我們的原因,其實我是不相信復活節長假期會不成團),所以臨急臨忙將本身的假期改去第二個地方。
試問在這緊迫的時間,我們還有選擇嗎?要我們一家人贊成和同意去一個地方其實都好難,大家有不同意見和期望。最後選擇了跟康泰這個保證成團的華東六天之旅。
這個團的詳細情況,或者可以在之後的BLOG上分享,但這一次我知道參加了新華的團真的不成團比成團多,因為參加這個華東團的部份團友都曾經試過比新華玩死。
若果大家想跟團煩少D,真係要一開始就揀一間有保證和有點名氣的旅行社喇!
不過,若果不是與爸爸媽媽去,我是絕對不會跟團的,所以我都好少機會比呢D旅行社玩......大家就小心D啦!
五天華東之旅的完結真的令人好攰,因為每日都倒塌咁早起身。
返到香港的第二日即第六天假期就和大王去澳門一日遊,刺激一下當地經濟。
今日(假期的最後一天)就去了魚排釣魚,好悠閒,終於可以在這七天假期中,唯一一日可以呼吸到新鮮空氣。
日後,若果有長假期或公眾假期,真的要遠離煩擾,遠離人多的地方,讓自己悠閒一返,吸收一下新鮮空氣對健康都好一點。
七天的連假終於完結,明天大家又要回到工作崗位上,生活和飲食習慣又再返回正常軌道。
放假前我在病,放完假後仍在病,希望快D好返啦!我要變返精精靈靈,龍精虎猛呀!
嘩, 你真係玩足七DAYS喎.....好開心呢 不過都要保重呀! 明天見!
回覆刪除[版主回覆04/07/2010 21:42:00]玩前同玩後都勁病......不過有得玩又真係好ENJOY~~~~
不過今日返到公司連LOGIN PASSWORD都唔記得左,要叫IT開返我個ACCOUNT~~~無鬼用
唔怪之得唔見你出卜啦, 原來去咗渡假
回覆刪除[版主回覆04/07/2010 21:49:00]係呀...放假前後都好唔得閒...放假又好多時唔係屋企...
我都好掛住個BLOG~~~
首先希望你身體快 d 好返呀!
回覆刪除我另一位blog友報左新華韓國團都一樣不知何解唔成團呀! 呢間旅行社真係好唔惦喎... 咁多單case 唔成團....
[版主回覆04/07/2010 22:03:00]多謝PANDA媽~~~
我真係覺得新華係一間幾唔可靠的旅行社,所以以後JOIN團都絕對唔會揀佢呀!!佢成團率太低...成日係度話收唔夠人.....我又唔信無人JOIN囉.....
旅行社好衰O家!都唔只呢間會成日同客講話唔成團.....勞氣!
所以我鍾意自遊行多D
嘩, 你好識利用時間呀, 七日都有咁多節目...不過今日返到你肯定攰爆...
回覆刪除[版主回覆04/07/2010 22:06:00]係呀~~~~超級攰....已經覺得個身體好似唔係自己咁.....
跟團又勁早起身,去澳門同釣魚都好早起身...放咁多日假就日日都咁早起身...真係好累呀!
新華我覺得非常差, 當年我渡蜜月差點攬到不成行都係因為呢間野, 又唔通知又唔主動退回証件. 好彩臨尾主動要求取消即刻轉旅行社. 永不再用.仲有一次係台灣見佢地D導遊在機場收客人之問卷後, 行前十多步將問卷撕毀靜靜掉入廢紙箱. 肯定帶得好差驚俾客Complaint毀滅證據
回覆刪除[版主回覆04/10/2010 17:42:00]咁嚴重?!其實前幾年我跟新華去過泰國,個時都覺得好唔錯O家!所以今次JOIN之前都無諗過佢會話唔成團。
HONEYMOOD比佢攪禍左真係.......我第日一定唔會比佢CONTROL我,我要自己CONTROL返,因為盡量都唔會跟團喇!
下次若果跟團有COMPLAINT,直接交去旅行社喇!我都信唔過D領隊。
嘩,你個七日咁假真係勁充實喎﹗
回覆刪除[版主回覆04/10/2010 17:44:00]係呀!充實到有D攰~~~HAHA