之前講話三月影PREWEDDING，原來下個月就是三月喇!
好像還未相信那麼快就影相，因為.....減肥方面好像沒有太大進展。
點算呢?!
月中去FB試衫，但還未認認真真在網上揀衫。看來要搵日坐定定在家中挑選。
但，其實PREWEDDING還有好多東西要準備。
我又綜合了這個CHECK LIST。當中有些ITEM，其實我已經準備好。但有些問題睇下BLOG友們可否幫到我。
| 女 | 防走光打底褲 |
| GIRDLE | |
| 波鞋/舒適鞋(拍攝用) | |
| 高跟鞋(基本上唔需要帶，除了選擇了短婚紗或想拍幾個高跟鞋既相) | |
| 乾濕粉撲兩對(男一對女一對) | |
| 假眼睫毛 | |
| 男 | 恤衫 |
| 眼鏡(無鏡片) | |
| 黑皮鞋 / 白波鞋 | |
| 黑白襪 | |
| 其他物品 | |
| 結婚公仔(個人需要) | |
| 花球，頭花，男襟花 | |
| 安瓶（精華素） | |
| 造型照（可有可無） | |
| 帶蚊怕水/貼 & 防曬 |
問題:
(1) 結婚鞋? 聽聞有利鞋店幾十蚊已經有一對。但我係咪應該買對好少少係PREWEDDING同大日子著?
(2) 有冇邊隻假眼睫毛值得介紹?
(3)有冇買男恤的地方介紹?
(4)其實駛唔駛買安瓶（精華素）?會唔會包埋O家?
(5) 若果我冇頭花帶去，影出黎係咪冇咁靚?
好煩惱~~希望大家幫到我啦!
我未結婚既...不過人地話...如果你會影遊艇既...就一定一定男方要有白恤....花球都一定要靚啊....影出黎既效果差好遠.=]]
回覆刪除[版主回覆02/06/2010 12:01:00]係呀..我見人地影遊艇再加花球好靚..但我唔會影遊艇呀!
我會自選一個外景地方
等你靚相
回覆刪除[版主回覆02/08/2010 00:05:00]哈哈....我自己都覺得有排等呀!
又未試衫，又未影..影完仲要等...真係需時好長
假眼捷毛唔係應該包埋架咩?
回覆刪除香港的婚攝公司好似唔似台灣咁,會使用安瓶架..如果你自己覺得有需要,可以買定,到時臨上妝前先搽定囉~
男恤我見d朋友都係金都買.... 唔會太貴,又方便搵..都ok呀
[版主回覆02/08/2010 00:07:00]唔知呢...台灣影個輯就包假眼睫毛...香港影唔知包唔包呢...
係呀!台灣就要安瓶，香港真係唔知駛唔駛.....
另外...我尋日出左金都買左男恤喇!成功KO一樣野....
有利D結婚鞋，出名平同埋plain囉，不過其實都幾好著，就係睇你自己介唔介意，我個人就覺得影相同big day當天都會著長裙遮住隻腳，所以覺得無咩所謂
回覆刪除至於男恤我誠意推介荷里活中心二樓間777，$98一件但只得明鈕同暗鈕兩款，如果你想要有lace或者有其他detail o既款，咁就可能要睇返金都果d啦
[版主回覆02/08/2010 00:09:00]我最後去左金都買WEDDING SHOES，雖然二百幾蚊，但都好滿意呀!
至於男恤，我地去過金都同荷里活睇。最後大王都係覺得金都個D好D，所以走返去金都買。
如果影時沒有頭花，佢會唔會即場sell你買呢？可能會好貴喎~~
回覆刪除至於假眼睫毛，我聽人講植村秀的好好用~~等你的靚相呀~~
[版主回覆02/09/2010 16:52:00]到時先SELL我買頭花?咁我可能唔買.......
但突然間搵D鮮碎花去影相又有D難度呀
我想問下你係咪用煌府coupon upgrade??用左咩plan包d咩呀?!
回覆刪除[版主回覆02/09/2010 16:53:00]係呀!用煌府COUPON 減一千，係EXPO JOIN又減一千。
你睇下自己有乜需要先睇下JOIN邊個PACKAGE~~
咁即係扣埋煌府coupon再減一千呀??定係煌府coupon當一千用呀?!
回覆刪除[版主回覆02/10/2010 11:45:00]煌府COUPON當一千蚊減
若果你係EXPO,又可能會再減一千...所以要問清楚呀...
個人認為，影相可以著對平少少，反正條裙蓋住未必睇到，尤其影OUTDOOR，更加會整污濁對鞋，好心痛呀…
回覆刪除[版主回覆02/10/2010 11:45:00]係呀...我都驚OUTDOOR會整污濁....
我又唔敢肯定影PREWEDDING時唔駛影對鞋...若果唔駛影，我就著平底鞋去喇..
眼睫毛同乾濕粉撲應該唔包架~
回覆刪除[版主回覆02/27/2010 18:34:00]我問左法國婚紗喇!
佢地話包假眼睫毛同乾濕粉撲~~
下?係丫?
回覆刪除我揀左ken呀!!不過我concern snapshot多d...所以安排左ken影snap shot