MY WEDDING SHOES & 大王的男恤

前兩日與大王和大王媽媽一起去行街買結婚鞋和男恤，準備3月的PREWEDDING。

因為無去尖沙咀區，所以沒有去百利睇鞋。整個下午都在旺角閒逛。

目的地都係金都、有利鞋店、始創商場和聯合商場。

始創商場有間買鞋都幾適合結婚註冊和襯晚裝，但要大約五百元，OUT了我的BUDGET，所以去有利鞋店睇。

Yau Lee Shoes Stall
有利鞋店
ADD : G/F., 729 Nathan Road, Mongkok, Kowloon
地址 : 香港九龍旺角彌敦道729號地下
Tel : 9816 7132
電話 : 9816 7132 / 2368 6250

睇BLOG都見好多JM去有利買幾十蚊的WEDDING SHOES，因為價錢平，著長裙都已經遮住。

但我初步看過款式，又好像不太合自己心水，所以我情願比多少少錢，買一對靚D。

本身係金都睇中了一對蝦玉色絹面的結婚鞋，所以返去金都睇。

入到鋪頭拎起黎睇，覺得絹面好易污糟。我的大日子仲要係一年多之後，心想，會唔會變黃O家?!

最後揀中以下呢對....我鍾意佢閃閃之外，款式可以襯婚紗和晚裝。本身DISPLAY款，係鞋頭有個水晶的蝴蝶，但我同姐姐講話可唔可以結婚個時先拎返去比佢地釘。

因為我覺得影婚照可以沒有蝴蝶，又驚自己著兩次就殘，所以決定第日先再考慮釘唔釘返個蝴蝶。(不過，我和大王媽媽都覺得其實都無需要再釘返個飾物上去...因為無飾物平HK$80呀!)

好鍾意有兩條閃閃鍊~~~

呢對就係我的WEDDING SHOES喇!

至於男恤，我們行過荷里活，但SALES好像好HARD SELL，而且感覺上質素普通，最後去返金都買。

有一間係G/F叫華利高買男恤，老闆即係裁縫好NICE，同我地講揀斜紋會顯得仲肥。我當然好信得過裁縫先生啦!佢幫男人揀恤衫O既時候，我仲未出世呀!HAHA...

最後，當然幫襯佢啦!大王試左件恤衫出黎，勁型呀!已經幻想到佢做新郎哥的時候係點喇!HAHA~~

老闆話條顯位置可能會緊一點，所以即刻幫我地改，又燙埋件衫，所以係金都買男恤雖然貴D，但服務態度都唔錯呀!

又KO了WEDDING SHOES和男恤這兩個ITEM。