年初八，我們一家與大王家庭去大帽山村屋BBQ。
這次是我們在村屋的第二次BBQ，好正呀!天氣涼快，到處也充滿田園氣息。
又不怕趕出去霸爐，又不怕爐不近洗手間。因為這裡不用霸爐，而且洗手也不分方便。今次不太說太多BBQ事情，今日的另一目的就是.....
哈哈....摘蘿蔔~~
因為大王爸爸媽媽種植的日本蘿蔔終於收成喇!釣餌師筏會員之前來BBQ，蘿蔔只是得幾塊葉。嘩咁快就是收成的時候。
我媽媽似模似樣，好似專業花王。手上的是日本紅蘿蔔。不知是否泥土不夠養份，蘿蔔好像好細條。
但這些蘿蔔仔好CUTE!
大王爸媽和我媽媽收割成果。在一田或日本商店買這些蘿蔔都不便宜。
哈哈~~~有紅蘿蔔和白蘿蔔。
中間那條白蘿蔔好似明顯大少少。不知味道如何呢?
我想叫大王種一棵屬於自己的青森蘋果樹呀!邊度有種子賣?HAHA~~~
去花墟睇吓, 個度可能有架 我仲以為係大陸蘿蔔添, 原來係日本種, 在日式超市好貴架
回覆刪除[版主回覆03/01/2010 16:08:00]D種子係朋友係日本旅行帶返黎...
不過可能泥土問題，所以出黎唔係咁大隻~~~~
種樹....咁幾時先有得食呀.....
回覆刪除[版主回覆03/01/2010 16:09:00]哈哈...又係呀..
種蘋果樹唔係攞黎食...係有另一個深層意思..HAHA
o華~~~ 種青森蘋果樹好呀!!! 又靚又有得食!
回覆刪除[版主回覆03/01/2010 16:09:00]哈哈....不過我覺得佢地D種子唔會出口~~~~
好吸引呀
回覆刪除[版主回覆03/01/2010 16:10:00]睇見有收成真係幾開心...
不過我係種植的過程中無出過力~~~HAHA
日本紅蘿蔔和白蘿蔔真係好Q , 你們會怎樣品嚐呢?
回覆刪除會唔會只有日本才有這些種子, 下次去日本要找找先!
[版主回覆03/02/2010 00:44:00]D蘿蔔仔送比左人呀!我地無品嚐~~
我估可以去花墟D花鋪問下有冇種子賣...
但我估青森蘋果樹種子真係未必有得賣
妳有無睇之前無線既櫻紅醉了呀? 周麗琪個集呀, 係日本有蘋果樹賣, 好似係買左既話一年之內棵樹既收成都係妳既, 不如下次去日本買棵好過啦, d蘋果收成之後佢地會寄返比妳架!
回覆刪除[版主回覆03/02/2010 00:48:00]主席..我就係之前睇左櫻紅醉了先知有得買棵青森蘋果樹...
之後同大王講，佢話咁同求其係川龍村路邊見到O既是但一棵樹有乜分別....駛乜去到咁遠種喎!
所以咪諗到係香港種囉!HAHA....不過真係未必有種子賣...
不過種到一棵屬於自己的樹又真係幾有意思O既
路過... 在吃完的蘋果裡面,不是有種子嗎? 但不知道那裡有你想要的品種...^^
回覆刪除[版主回覆03/02/2010 12:22:00]我都唔知D核係咪真係種到...HAHA...
多謝支持留言
去城市super買個青森蘋果食完有種子啦. btw...d日本蘿蔔又種得幾好wor
回覆刪除[版主回覆03/02/2010 12:21:00]哈哈...食完個D種子係咪真係種到O家?!搵次試下先~~~
我地種到D日本蘿蔔好細條~~~HAHA
你好!我另一半亦有種蘿蔔,味道無得比,好甜!你有無煮來吃?
回覆刪除蘋果樹香港無人種架喎,要好凍的環境才可孕育到果實出來。