落住雨釣魚的辛苦釣行

真係唔好意思....成個月都無寫過呢個BLOG...因為真的太忙了!

昨天同大王去了釣魚，我都唔係成日去，間唔去去下都唔錯。

不過昨天的天氣真的好差，整天都落住雨，係最後兩個鐘先停雨咋!

落住雨釣魚真係好辛苦，同埋無乜心機影相，所以係有史以來影得最少相的一次。

點辛苦都唔夠大王和小信師兄辛苦呀~佢地由頭尾都坐船頭，真係底橫都濕透，希望唔病親啦!

出發前，和大王去「天風釣具店」拎蝦....你睇?!天氣真係好差呀!KEEP住落雨呀!

但一切照舊，我們一行六日先到三門仔食個早餐先。今次釣友有雅比、JIG神、主席、小信師兄、大王和我。

可唔可以快D好天呀?!

出發喇!男子組....

 

上艇...久違了的「星級艇」，今次艇家係阿添。

帶有勁多架生的小信師兄

最慘佢地兩個喇!長時間淋雨~~~無法...你地兩個抵抗力應該係最強...

到達釣點，SET竿先...大王成日要安排埋我個人份，唔緊要...我唯有幫你釣多D魚上黎。

雅比自己一手一腳自己SET架生，叻!

JIG神多次根據不同釣點作多次釣組上的改變....HAHA

艇家阿添....今日D魚唔開口，魚獲不太好。去了幾個不同釣點都沒有太多收獲。

小信師兄可能係最失望，因為找尋不到目標魚-->赤立。

又落雨，又無乜魚中...大家都好靜....我都有時「恰」眼訓..HAHA

我就釣到一條小沙立，都幾靚仔喎~~不過就細條左D...

JIG神釣雞泡...HAHA

今日魚獲不好，反而都有D尾魷釣下.....最後我地放棄釣魚，改為釣大尾魷。

若果一早去釣大尾魷，可能會釣得仲多。

大尾魷，人人有得中。但由於我地目標不是FIT魷，所以SIZE都有不太大。

等下次天氣好D，先再由頭FIT到尾啦~~~再來挑戰一下大SIZE的魷魷。

著埋雨褸，大王好似雨褸怪客呀~~

哈.....由於影得太少相....所以差唔到多行程尾聲。若果天氣好D，我實同大家影中魷相O家~~~

大家都好驚魷魷發惡而亂噴，所以快快收佢地入監倉。

大王今日都KEEP住有得中魷....睇黎佢O既技術都開始穩定左...唔似我咁「符碌」HAHA

呢隻咁細隻，梗係放左佢啦!

總括來說，雖然今日天氣差，無乜魚釣，但原來都有D魷魷中下...不過就唔算多。

希望搵日好天一D可以再釣多D啦~~~