前兩星期,搵一日放工,捉左大王同我去睇觀塘的婚紗店。其實,我知我同大王都唔係話咁想去睇衫試衫。
點解我要逃避?因為...
(1) 我周身肥肉,點敢肉騰騰的去試呢件婚紗,試婚紗?真係驚比人笑呀!
(2) 我仲未知自已鍾意乜野類型的婚紗和晚裝
(3) 有D我都無放上個LIST度,咁多間婚紗鋪,都唔知去邊間?!
點解大王要逃避?因為...
(1) 男士對女士BIG DAY的婚紗晚裝都沒有太多意見,成日話:「你鍾意就得啦!」,所以覺得陪你去睇會好悶....
(2) 男士會覺得呢D野應該搵姊妹去睇,唔應該搵佢地去。
但...當我一諗到...我唔可以再逃避,我要積極面對這個BIG DAY的大ITEM,所以決定這天的放工捉大王同我去睇睇觀塘的婚紗店。其中更BOOK了一間新開的LS WEDDING試衫。
觀塘 | ||
L'Bridal 滙囍新娘店 | 觀塘開源道55號開聯中心A座1006室 | 2124 1048 |
Athens雅典婚紗 | 觀塘成業街成業工業大廈7/F 31 | 2110 9862 |
NoviaWedding | 觀塘巧明街115號柏秀中心15字樓B室 | 3619 9122 |
Forever | 觀塘巧明街116-118號萬年工業大廈9樓C10室 | 2110 9862 |
LS WEDDING | 觀塘巧明街115號柏秀中心6樓A室 | 2345 8098 |
前幾個星期二放工,搵大王去睇睇啦!
約了LS WEDDING七點半,見之前有時間就去滙囍新娘店。呢間鋪係舊式工廠大廈入面,自己一個上去都咪話唔驚。上到去好靜....按門鐘...好耐都無人應門已經心知不妙。最後有個姐姐出來開門...噢...原來星期二休息。哈...
不過姐姐都好好的比我地入去望一望D衫,我其實都係想咁。我隨便的揭一揭D衫睇,似乎唔係我杯茶。OK...走得。
之後就去了NOVIA WEDDING,因為LS WEDDING都係柏秀中心,所以未到七點半就去NOVIA WEDDING睇睇。其實我之前已在NOVIA WEDDING的網頁中BOOK了這晚睇衫和試衫,結果沒有人再致電我CONFIRM BOOKING,所以就自己搵上門喇!結果...又再一次摸門釘,原來佢地都係星期二休息,但我未見過佢網頁有咁寫。再加上網上做了預約,但到宜家都無人同我CONFIRM BOOKING,所以印象不太好。
OK...到今晚的戲肉,就係去新開的LS WEDDING睇衫和試衫喇!
值得稱讚的就是由BOOKING到試衫,整個過程中,所以有人都好NICE,感覺似朋友多過做生意。
一上到去,感覺好寬敞舒服。同一時間可以有兩PAIR人試衫,各自有一個幾大幾企理的地方對住塊鏡換衫。可能因為新開關係,相簿和現場見到都唔係太多衫。我已經係現場逐件逐件咁睇哂。最後揀左三件婚紗和兩晚裝試上身,因為宜家可以FREE TRIAL五件。
三件婚紗都好唔同的STYLE,三件都鍾意,可惜又未到THE ONE的LEVEL。整個試衫的過程都好開心歡愉,幾個姐姐(可能係妹妹)都比左好多意見我。由於這是我第一間試婚紗的鋪,所以我仲我好似未知自己鍾意乜野STYLE。
試左五件不同類型的衫,知道自己可以著乜野色,同埋著乜野會好睇D......試衫過程中,姐姐幫我影左相,影到LACE和閃石拖尾都好靚呀!可惜要JOIN PACKAGE先可以攞返D相。
呢度O既衫真係好新....感覺好正!HAHA....佢地會不斷返新衫....
最緊要係新開張期間至六月三十日有優惠的PACKAGE價錢,1WG+3EG各包一套手飾都只係$3,788,拖尾加$500,其中一套手飾可以揀swarovski系列,真係平靚正呀!
其實呢間鋪係由一班教徒開O既,所以佢地都好NICE同埋無乜HARD SELL成份,臨走仲有佢地自製的小禮物。
因為呢間係我第一間睇的婚紗鋪,所以我想睇埋尖沙咀的婚紗鋪先再決定~~~
但我都介紹大家有時間可以去睇睇,六月前BOOK真係好抵呀!
>..< 不肥呀你!!不過希望你盡快揾到THE ONE^^
回覆刪除對於我們的安排不善令你帶來了不便, 我們深感抱歉! 不斷提昇服務質素是我們一貫的服務宗旨。我們由其他顧客反映你的個案後,已立即更新
回覆刪除了我們的網站,包括已在聯絡我們的內容上加入了我們的營業時間。另外亦已更新了我們的預約系統,以使系統不會接受於非營業時間的預約申請。 於收到每一個預約申請後,我們的客戶體驗顧問會再發短訊及電郵以確認成功預約的時間及日期。 我們非常重視所有顧客的意見,以找出我們服務上
可以提升的空間。於此事件後,我們的客戶體驗顧問會加緊留意及緊貼各位的需求, 希望能帶給大家更貼心的服務。 我們誠意邀請你再次光臨免費試穿婚紗及晚裝, 歡迎你致電3619 9122或於www.noviaWedding.com網上預約, 希望能為你服務! noviaWedding
琦琦,如果你要睇婚妙可以搵我地陪你呀﹗﹗不過Weekday的話我就可能遲收工,weekend 都ok架﹗﹗
回覆刪除[版主回覆07/01/2010 10:02:00]哈..我就係知道你地WEEKDAY忙,而我又覺得WEEKDAY的鋪頭會少一D...所以我已經搵左幾日去睇....
宜家CONFIRM左喇!不過未有時間寫BLOG~~~HAHA
hello, can u add me as fd?
回覆刪除thx
[版主回覆08/22/2010 15:13:00]YEAH!大家多多交流分享呀!
我ADD左你做BLOG友喇!