大阪神戶和歌山奈良八日七夜開心自駕遊---DAY 2 (PART B)
上回講到我們照原定時間十一點離開即食麵博物館,因為要把握時間去神戶三宮食神戶牛午餐。起初我怕今天是星期六,可能會有好多人,所以我之前在網頁預約了十二點十五分的位。
行返去阪急池田站。
阪急池田--->阪急三宮站乘車方法: 310YEN (共約43分鐘)
(1) 阪急池田站----->阪急十三站(阪急寶塚線急行)
(2) 阪急十三站----->阪急三宮站(阪急神戶線急行) 310YEN
我們應該在池田站入閘口一買就買310YEN的車票,但我竟然記錯要轉線,所以我買了一張220YEN的門票。
但不要緊,因為我記得之前去東京都試過這種情況。只要在目的地再補回差額就可以出閘。
我們要在下面這種FARE ADJUSTMENT機補回差價。
首先要將本身220YEN的車票放進去,之後螢幕就會顯示需要在當站出閘要補回的差額,亦即是90YEN。
之後就會有以下這張「出場證」,我們就可以用這張車票出閘。
目的地是在三宮站西口出,在出口的第一條斑馬線過對面馬路,再轉左向前行。
今次的神戶牛午餐就在下面這間店( ステーキランド KOBE (STEAK LAND KOBE)) 品嚐。
小TIPS:
· 普通套餐中包括了沙津,漬物,炒雜菜,麵包或白飯,橙汁/咖啡/紅茶一杯。
· Menu上的圖片是豪華套餐,比普通套餐多了頭盤及海鮮。
· 有注明“神戶牛”在前頭的才是正宗神戶牛柳,其它是一般牛肉,肉質也很美味,但和神戶牛一比,就差天共地了。
· 建議在午飯時間 (11:00-14:00) 前往,一款150g 的神戶牛套餐只需2980yen!
所以我們兩人共叫了兩份神戶牛STEAK LUNCH...2,980YEN一份。
點解揀呢間食神戶牛是因為之前上網做資料搜集不約而同見到幾個網友都選擇這裡。而且,我在書局看到一本有關「關西必食」的書說這間鋪是神戶第一位必試食店。
被安排到樓上位置~~~好興奮呀!
店內景色。大家坐是圍著鐵板台來坐的。同台還有一個日本家庭。
醬汁
等了一會就見到一個鬍鬚哥哥正在準備材料。
下面是非常香的蒜片,先將蒜片加些油炒香鐵板台面。
我講咁多都無謂,不如宜家就睇睇片,你地就會流口水喇!因為我睇返都勁肚餓..
師傅好專業~~~
師傅非常熟練的手勢,很快就將美味的神戶牛送到我地面前。
剛剛煮好的神戶牛加蒜片。
師傅還將芽菜炒好,是我們午餐的配料,原來送飯係好好味。
因為芽菜裡面有神戶牛的肉汁。
好完美的一個畫面!
完美得令到只顧影相,記錄著這一刻。
一邊食,一邊讚嘆,好好味呀!好難忘O既味道。
雖然我們不是食最TOP的神戶牛,但已經好滿足,覺得好值得。有一種,我終於來到神戶,終於來到品嚐神戶牛的感覺。好興奮~~~
這個餐還有餐飲,我就試試這裡的ICE MILK TEA。
這裡都曾經得過很多獎牌和品質證明。
KOBE BEEF金牌。
認住呢個門口,希望將來我還有機會來神戶再食多次。
這條街都有好多食店。
這幾天, youtube硬係load黎load去都係睇唔到的
回覆刪除神戶牛, 實引到大甘流哂口水啫
[版主回覆08/02/2009 00:24:00]LOAD到個時不妨睇一次啦!
我睇返D片都好回味,即刻想搭飛機返去呀
實在太好味 .... 太吸引....
回覆刪除[版主回覆08/02/2009 00:25:00]係呀!睇到片已經知道好味~~~~
引到我流晒口水啦
回覆刪除[版主回覆08/02/2009 00:25:00]快D去神戶食啦!哈哈
D牛肉 ..........睇到都知好多汁, 味道一定非凡!
回覆刪除好想食番件呀^.^
[版主回覆08/02/2009 00:25:00]無錯!味道非凡~~~非筆墨所能形容..
所以拍片留返黎回味
@_@ 睇到都流口水, 我11月都去京阪, 不過唔去神戶丫, 我去京都睇紅葉影相ja :)
回覆刪除[版主回覆08/09/2009 11:29:00]唔去神戶真係可惜喇!
不過去京都睇紅葉都非常正!期待你的靚相呀!
(Empty)
回覆刪除請問如何予約?
回覆刪除