大阪神戶和歌山奈良八日七夜開心自駕遊---DAY 1 (PART E)
話說食完120YEN迴轉壽司之後,我地就拖著疲乏的身軀返酒店休息,CHARGE足電聽日有氣有力去神戶玩。
回程中~~~~頭先間迴轉壽司店就係南海通入面。
好快又返到道頓堀,見到大蟹蟹就知啦!
呢條街好多人,入夜之後更多人。兩旁的食店都開得好夜~~~可以落黎食宵夜。
好鍾意呢個拎住桃哈多的叔叔公仔。呢個叔叔好似賊仔樣~~~
好出名食河豚的地方。我就唔敢食喇!
又經過見到暴力熊夾公仔機。
返到酒店~~~~影下今日O既戰利品先。
以下兩本就係YAMAHA買的ELECTONE電子琴書連PROGRAM碟。
我的BLOG歌就係左面韓國DRAMA歌書的第一首MY MEMORY。大王練熟D歌之後,睇黎我的BLOG其中一個FOLDER「大王演奏廳」就會有新UPDATE。哈哈~~期待中...
還有.............13盒白兔牌暉浪丸,有六粒和九粒裝。大王見價錢比香港平好多,大批入貨。哈哈....
我在藥房買的MASK和LOTION。
從左起:豆乳MASK四枚(599YEN),KOSE MASK(399YEN),豆乳全身用LOTION(598YEN)
藥房系列2~~~~
有獅王牙膏(大王用過話好正!)好似只需百幾YEN。
還有CON眼藥水和普通眼藥水都好正。
還有蚊叮虫咬膏、娥羅納英H軟膏和皮膚炎藥膏。今次見到娥羅納英H軟膏最平是398YEN,即HK$32,平過香港好多。
食完戰利品相就食宵夜先。
左邊係日清特濃鹿兒島杯麵和我的CHEESE CURRY杯麵。我地今次旅程晚晚都食宵夜,飽都要食,因為難得有八日係日本就要盡量試多D香港試唔到O既O野!
當然還有飲品啦!我買了GREEN TEA味可口可樂,大王就當然飲啤酒啦!
鹿兒島杯麵入面有好多料呀!
我的CHEESE CURRY杯麵都唔執輸。
大王的宵夜餐~~~HAHAHA
好美味呀!!!
好充實滿足的第一天~~~~
好期待明天的池田即食麵博物館和神戶之旅~~~
回覆刪除有排用
[版主回覆07/23/2009 00:07:00]唔會啦!好快用哂O家咋....我估幾個月就用哂喇!
南油必備暉浪丸, 你們買到咁多,
回覆刪除真係好想去日本行吓!!
上星期因颱風關係去不成南油要等到9月才有得去!
[版主回覆07/27/2009 00:33:00]大王剛剛從南油回來~~~好似話下個月又有得去
我都想快D又可以去日本玩呀!
你排得好正,間藥廠要搵你買廣告.
回覆刪除[版主回覆07/27/2009 00:33:00]無錯!哈哈....
不過都要隻藥本身有用,我地先買咁多.....