阪神和歌山奈良八日七夜開心自駕遊---DAY 1 (PART C)

阪神和歌山奈良八日七夜開心自駕遊---DAY 1 (PART C)

因為香港寬頻網絡問題，以致我上載不到照片寫BLOG。好，現在繼續分享我的大阪之旅。

話說三點幾去到難波VISTA GRANDE HOTEL，放低行李休息一會就正式出去玩喇!

得返半日時間，當然唔好去得太遠啦!所以選了去難波和心齋橋行街街。

由於朝早冇乜點食過AI的早餐，所以好肚餓。首先，當然要去搵食先啦!

行返去道頓堀，見到金龍拉麵。之前O黎大阪的時候食過，覺得味道沒有特別，所以叫大王不要試。

最後，去了金龍拉麵旁的「四天王拉麵」。

入錢買麵食~~~可以睇到哂有乜野食~~~~先入錢，後選擇食物，最後拎一拎找錢位就得喇!

拉麵600YEN，味噌拉麵750YEN，玉子拉麵700YEN，义燒拉麵900YEN。

我們叫了一碗醬油味和一碗味噌味拉麵。

店內環境~~~但我想講，呢度好似冇冷氣咁....未食已經「標」汗...

嘩!賣相不錯!攪到好似更加肚餓咁~~~~這是我選的醬油味拉麵，比味噌味較清一點。麵條軟度適中，有口感。食拉麵真的要食地道的。香港，真的食不到呀!

大王選的味噌拉麵。大王一飲湯就不斷話正喇!係咪冇介紹錯呢?!

我們還叫了一客餃子，皮薄而且微脆，香口之餘又充滿肉汁。正呀!

四天王拉麵對面就是「赤鬼」---大阪名物章魚燒，成日都大排長龍。

行前少少就有出名的かに道樂，食蟹的專門店。門內有500YEN的炭燒蟹腳。旁邊還有外賣的涷蟹，最便宜的一盒要3,675YEN。由於剛食完麵，所以諗住遲D先黎食蟹。

這間鋪頭有幾層高~~~~

在戎橋上望出去的景色，很少見的好天!這裡也是大阪周遊PASS包的TONBORI遊船的地方。

很高而且有小型摩天輪的那一座就是「激安之殿堂」，專買平O野!(不過款式過時~~哈哈)

周圍行街街見到一食店門外有缸魚魚，有魔鬼魚呀!

今次大阪之行，經過很多商鋪都見到大特價。這是之前去咁多次日本都未見過。不知是經濟不好，還是七月的關係，因為日本出名是在每年一月和七月也有各式各樣的大減價。

這家OUTLET都做緊特價。

星期六的心齋橋特別多人。

經過YAMAHA，我們的大王當然會入去睇睇啦!

去搵ELECTONE Stagea的歌書。我地目標係搵電子琴歌書連已經SET好了 PROGRAM的碟,這裡的數量是香港的十倍,好齊全,每一個grade都有好多, 大部分都係2000~2500yen左右......

大王專心揀書中~~~

上次在日本YAMAHA買電子琴書係三年前的東京銀座。今次我地都買左兩本，盡慶而歸。

門外擺放住的新款小提琴，專登影比細妹睇。一個SILENT VIOLIN要118,650YEN。哈哈...睇黎細妹要買返個，因為我地長期係屋企受到小提琴嘈音的騷擾。

我只可以用「無窮無盡」黎形容心齋橋，行極都行唔完~~~

經過很多書都有介紹的AFTERNOON TEA，入去睇睇CAKE。

WAH~~~賣相好吸引呀!273YEN一件都幾貴，即差不多HK$20。

山長水遠黎到，想食就食，唔好理價錢喇!哈哈..急不及待夾了一個留返今晚做宵夜。

這是個人氣NO.3

還有人氣NO.2，我都見到有唔少人買。

有時間可以坐低食件CAKE飲杯咖啡。

不久，經過AGNIS B，當然要入去啦!果然，真係有D款做得特價。

試一試先~~~又唔錯喎!本身要萬幾YEN，宜家只需八千幾YEN。

今日無買，諗住睇下仲有冇多D款先~~~

大熱天時好口乾，所以去左對面買綠茶飲。150YEN一杯仔。原來係甜甜地O家...

由於我地成日飲開一枝枝的綠茶，飲慣了有茶味，但這卻是冰涷的甜味，好像怪怪的。

好可愛的MY MELODY夾公仔機。今次要忍手唔好玩夾公仔，因為之前實在夾得太多，屋企已經攪到無位放，所以今次決心不夾公仔。

返去之前行程