好...繼續餘下來的南油之旅2009 PART THREE先....
基本上今次的旅程只停一個油井,沒有轉過位,而且幸運地沒有拖砵出現過~~~
小信師兄係船頂又釣到條煙仔...勁!睇佢身水身汗就知係JIG中啦!
APPLE叔支竿有野攪...睇佢不斷出絲,D聲好恐怖....支竿又就快飲水...
後來,條魚應該入左樁,最後繼絲收場,但已經過足手癮。
好近油井
電攪沉底有班班
最興奮就係差不多上水的一刻,因為唔知抽唔抽中獎,抽中獎又唔知係大獎定細獎。
藍藍的海水和藍藍的天
一大堆石馬頭係180M的海底...上到黎中哂壓....
被魚童險些鍊死的石馬頭...哈哈
顏色都幾靚....唔好睇佢樣衰衰,後來返屋企蒸黎食原來D肉好滑
大肚叔叔的雞魚..
除左釣魚之外,仲可以享受咁壯觀的油井奇景~~~正~~
藍藍的海和藍藍的電攪
哈哈...52M
雞魚仔~~~已經唔記得係邊個釣...
總之和同大王都係不斷用電攪沈底釣雞魚同石馬頭....
長毛哥哥枝竿飲哂水
呢個都係叫老麥~~
林哥唔係餌,而係係個180M的大海釣上黎O既....真係呢....
雨褸怪客...好驚呀~~~(後面打石湖~~)
yeah...I LOVE THIS PIC....
ALEX哥哥釣得肥雞魚
呢個唔係魚童,而係沖完涼O既ALEX拎個撈箕去撈鶴針....哈哈....成功撈得一條...
乜野黎O家....原來釣條喉上黎...有冇攪錯呀!
由於夜晚起風,仲起得好快,所以我地都開始回程返香港。沖完涼之後,我自己都好暈,所以好快就訓覺喇!後來醒返O既時候己經訓唔返。
因為出面好大風好大浪,我由船的左邊碌到船的右邊,自己訓返平,又再碌返係左邊,所以突然間好想嘔。
不過,六七點度,想去廁所,所以起左身想出去廁所。
出到房門,我都未扶實,架船已經側埋係右邊,所以成個人碌左去右邊扒左係度。想起身,個人已經又滾左去船的左邊,旁邊仲跌左D野落黎打爛左,險些兒就打左落黎我個頭度,咁就命都冇....
呢個時候,大王先出黎睇下我乜野事....一邊手瘀哂.......
總之,返黎O既時候大風大浪得好恐怖,佢地話應該有六級風,仲要係吹側風,所以架船吹到側哂。恐怖得我好驚返唔到屋企....
但見其他人好似驚都冇驚過,繼續大覺訓,所以我都叫自己去訓返覺,唔好諗咁多...
一點多先返到香港~~~
總魚獲~~~雞魚和石馬頭
雞雞
與部份魚獲合照~~
大王與泥黃
每年只去一次南油的我,已經完成今年的南油之旅喇~~~~
祝大王其後每次的南油釣行都爆釣回來啦!
終於見到靚女啦
回覆刪除[版主回覆04/21/2009 22:27:00]甘太..唔好玩啦...
你咁講會趕客O家...HAHA
去 一次 咁少..... 哈哈 ~!! 驚咗.....??
回覆刪除[版主回覆04/21/2009 22:27:00]哈哈....一年一次就夠喇!
去得多就悶喇~~~~HAHA...要時刻保持新鮮感先得O家
嘩,琦琦呢次旅程認真驚險﹗妳真係好勇敢﹗不過見到妳D靚相同埋個「堆」魚獲,我好相信辛苦有回報既﹗
回覆刪除[版主回覆04/21/2009 22:31:00]返黎個時就係好驚險...
哈哈...我地D魚獲唔多呀!好少咋....不過我已經釣得比上次多...HAHA
HI 你好呀!
回覆刪除幾好魚啵! 又有石馬頭。
[版主回覆06/08/2009 23:44:00]係呀...魚獲一般...但好過我上年去喇~~