我第一次的長洲艇釣

九月三日的南油之旅因為一個獅子山，最終還是取消了!不打緊，這樣也無損我們繼續釣魚的心情，所以昨天大家就走左去長洲艇釣。

哈哈....大王去左長洲艇釣咁多次，我都未去過。今次終於比個機會我見識下喇!

晨咁早六點幾起身，七點幾就見到外面係藍天白雲。但，車一過了海就落大雨。點算呢?!我無帶雨褸呀!

點都好，搭八點鐘船入長洲先算啦!

結果，一落船....

藍天白雲就在你眼前出現，可能剛剛落完雨，所以天朗氣清，好舒服呀!

依照長洲五寶以往的長洲釣行，習慣第一個景點就是來這裡飲個早茶。

哈哈...一班人一大清早飲早茶真係人生一大樂事呀!

飲杯茶，食個包，仲可以食盅排骨飯。

以前黎長洲都唔覺得咁靚O既....

我們就是在這間食早點，都幾多新鮮點心選擇呀!

哈哈...唔黎釣魚都可以租單車來個環島遊。這些單車是島上居民的交通工具。

食飽飽就係搽太陽油的時間喇!今次團友有大王、阿甘、發記、達達、達嫂和我喇!

出發前的達達對今次釣行信心十足，睇黎預知到自己將會釣到好多魚喎~~

正搽太陽油的大甘...

發記呢個POSE和笑容都好CUTIE

大王去買至愛--->冰!

全靠這包冰，我們先可以在炎夏出海釣魚飲冰涷椰皇、食冰涷JELLY和消暑飲品。

仲有豆腐花呢~~~

YEAH!出發!歡迎達達和大甘船長~~~

哈哈...肉騰騰的大王~~

原來達達和達達嫂釣魚好厲害~~~

大王: 我地唔夠佢地釣~~

長洲其中三寶，另外一寶大甘就坐船尾豪華位。

YEAH! 其實今日大家都釣到唔同魚種O既魚。由於魚獲都頗豐富，所以只係影左幾張魚獲相!

大王與肥肥的大石釘

雄哥都係我後面密密上魚。勁!

用小巨LIN釣O既石釘....之後因為手感好D就轉左玩手繩，又真係易FEEL好多。

FEEL到海底下有魚食又真係好玩好多呀!

釣到石釘、牛抄和牙點等等...

我又做足所有防曬措施...

好曬好熱呀!開蓬後涼快很多....

涼風吹過來，爽爆呀!

石釘又肥又大條

達達釣到O既大沙鯭

哈哈....容許我食個濕熱，但又好冰涷的什果JELLY~~~

達達一邊享受日光浴，一邊嘆椰皇冰....HAHA...個冰箱凍到椰皇都結左冰。

大王又來示範姜太公釣法

大甘呢條青班都有斤幾，勁呀!

達達與斤幾黃腳立，海黃腳正呀!

今日達達同達嫂勤力密密釣，密密上魚。今日魚種都幾豐富，而且魚SIZE都OK。

好似好耐都無試過喇!放絲落海好似抽獎咁，唔知抽到乜野禮物，感覺好興奮呀!

約五點六就回程了!一天的釣行咁快就完滿結束喇!今日都無乜悶場，密密都有魚中，大家都好開心好滿足呀!

回程的時候被水警65號查證~~~

日落的景色又係好靚~~

若果有DLSR就好喇!我發覺長洲係一個幾適合影相的地方，有好多特別景物和風土人情可以影低。

晚餐在海邊的大排擋享用。可能因為身邊都有好多土生土長的長洲水上人，所以覺得佢地好純樸，佢地對釣魚都有另一翻心得。

達嫂幫達達點的椒鹽鮮魷

豉油王煎封牙點

芝士伊麵海蝦

還有清蒸石釘....

完滿結束我第一次的長洲艇釣，令我充份體驗和感受到長洲的風土人情和釣魚熱誠，係一次好WARM的釣行，希望日後都有機會再去玩下啦!