其實一直都留意金價，早兩個月都叫了屋企人去金行買，但最後都無去到。
但我日日都睇住金價，見到個價就好似血壓急升一樣。點解只有升無跌?
今日，終於叫左阿爸阿媽去買。
先去九龍灣德福的周生生，只得一個櫃，一望落去好似好少款，無TARGET SIZE。
之後去了旁邊的周大福，姐姐解釋得幾詳細。我想要乜款都比我試戴上手。
嘩...突然間有四五對金鐲係手...好型呀!若果真實都係咁就勁開心喇!當然呢D只限於發夢同試戴O既時候先至出現啦!
最後成功在周大福買了第一樣嫁妝陪我出嫁~~~~
原來每戴一次龍鳯鈪都有種開心、富貴和幸福的感覺。
好貴重的禮物....多謝爸爸媽媽.....................
每日金價參考:
http://www.hkjga.hk/chi/price_hist.php
好貴呀,早知係咁升早幾個月就買定啦!!
回覆刪除[版主回覆09/22/2010 00:51:00]係呀....貴到.....無野好講.....
你係咪可以唔駛買呢...
早2個星期同未來6299一齊買咗喇,象徵式買咗細細的! 媽咪就話自己一早買咗新潮款式喎!
回覆刪除[版主回覆09/22/2010 13:01:00]哈...你媽咪一早買左好叻呀!
宜家真係太貴...閒閒地都幾萬蚊.....
唉..我都望穿秋水咁睇d金價幾時會跌下......結果不跌反升,遲早買唔起囉
回覆刪除[版主回覆09/23/2010 23:40:00]睇黎...黎緊幾個月都唔駛旨意佢跌喇!
宜家貴都要入貨...
我媽咪同埋未來 99 一早已經買定囉~!
回覆刪除[版主回覆09/23/2010 23:40:00]你媽咪同99好醒呀!咁你就煩少一樣喇!
我上星期都同mum&day一齊去買左~ 好彩佢地留左好耐之前買落既金黎換~ 如果唔係2萬幾蚊都真係幾係野呀
回覆刪除[版主回覆09/24/2010 17:28:00]你就好啦!宜家先入貨O既我地就真係好貴喇!
我都係早排買左喇...不過仲未買齊...
回覆刪除你阿媽有冇買埋比你個大王呀? 好似係要買d 鏈定介子果d..
我自己仲想買對ear rings..
不過.....真係好貴呀..
[版主回覆09/29/2010 12:31:00]哈...要買比大王?唔駛MA.....
我今晚應該會去買埋耳環呀!HAHA....買埋就要停止喇...
金貴...唔可以無止境咁買