昨天十二月十二日，我又有得去BOAT GAME FIT魷喇!這半年只係去過三次BOAT GAME。
自從七月一號釣到之後，十月三十一日萬聖節和昨天都是與大尾魷無緣。
我諗，我真的愈FIT愈無心機喇!
不過昨天的釣行也十分開心呀!因為我可以與四位靚仔(大王、小信師兄、主席和高佬)同行。
大王出發中~~~
久違了的小信師兄也出現呀!YEAH!
大家有冇留意我地係未開竿呢?!平時FIT魷，一早已經開定竿。因為，今次我地另一個目的係釣赤立呀!所以去到釣點會釣魚先。
四位靚仔來個「眾裡尋他」遊戲。估下上邊隻艇，一個話呢隻，一個話O個隻，點知估錯哂!
三門仔這邊水退中....
上艇喇!心情好興奮，我地又要「向大海出發」喇!
離開三門仔碼頭。
我和大王坐後排位置。
叫大王幫我影一張出發前信心十足的樣.....
今日東風4-5級，出到外面都幾大風，吹起來都好涷。小信師兄閉目養神中。
不一會，大家就開始傾談一下今日的大計。
哈!無意中發現艇家自備的「梳化」。哈~~再加將軟墊就O岩哂大甘先生喇!
去到第一個釣點釣魚。這裡已經有幾隻艇....個個都諗住在赤立季節「呔赤立」。
大王他們在大埔街市買到的紅腳蝦，好生猛!艇家都話呢隻蝦的大小釣赤立最適合不過。
大家專心作釣中。我和大王就在後排位置用「姜太公釣法」作釣。
好涷呀!被大王呃左，著少左衫。成日都好涷~~~
大王又再出動「小巨簾」，雖然小巨簾價錢便宜，但勝在靈敏度較高，所以抽竿的一下可以較準確拿捏得到，要釣兩斤以下的魚就沒有問題。
幫大王影張靚仔相先。
高佬成日都咁興奮咁投入~~
既舒服又粗魯的釣魚姿勢。
高佬首先上魚，原來是一條骨鱔。
我地形容佢係一條飯剷頭的一條骨鱔，艇家在拆鈎放生的一刻，飯剷頭反身拗腰將開嘴巴，咬傷艇家。
放生之後，艇家自己又再釣返一條上來，今次由主席用其醫生般的手勢，手術成功，順利將另一條飯剷頭回歸大海。
大王憑其小巨簾成功釣到一條滑仔。
大王醫生解鈎將小魚回歸大海。
高佬繼續作戰
哈哈!大王讓了小巨簾比我用，我都釣到條滑仔呀!
後來又釣到條雙牙仔BB，小巨簾實力無容置疑。
看來今日都釣唔到赤立，所以大家齊心嗌去FIT魷。
果然，今日FIT魷比釣魚較容易。高佬好快有得中。
FIT魷絕對難唔到小信師兄，因為小信參與無數比賽都輕易獲獎，上星期才得到BREADEN大尾魷比賽亞軍。「有魷的地方，就有小信師兄」YEAH!
小信師兄有姿勢有實際!
中!中!中~~~「FIT魷無難度!」
哈哈...我就好有難度喇!所以唯有睇人中都夠開心!
小信師兄在這裡收回來時甩了隻大~~~
單鬚咋!小心D呀!
其實今日的魷魷都好大隻，大部份隻隻都好有份量，只不過無同佢地影相。
只有幫大王影左呢張!好巨型的大尾魷!
SNAPSHOT
SNAPSNOT~~同我去FIT魷，一定會影得好多相!
失散多年的兄弟，呢張相已經可以證明得到。邊個係大佬?
這手勢代表乜野意思? (高佬甩帽前...)
哈!一下大風，吹甩了高佬頂帽。其實這事已經多次發生在大王身上，幸好每一次都攞得返。今次到高佬喇!
主席終於可以用撈箕喇!但原來係撈返高佬頂帽。(頂帽滴水中.....)
我幾鍾意呢張相。我們來到了塔門享用午餐。
這個時候天清氣朗，藍天無雲，真係心曠神怡。
塔門靜水的景色真的很迷人!
塔門必經之地....廁所...
高佬整親隻手，希望佢快D好返啦!
小信師兄與墨丸麵~~~
主席，你想講乜野呀?!
我同大王食乜?!不便公開，因為會令甘太不適。
塔門好多狗仔。小信師兄與可愛小狗。
大王與小狗。大家可以睇到個比例有幾大啦!
主席與狗。狗仔好似好鍾意主席，想跟佢走!
小狗: 主席主席，你快D帶我去FIT魷啦!
高佬仔好似小學生去旅行咁...食冰菠蘿。
下半場開始，呢張相影到小信師兄好大隻。
小信和高佬都望住同一方向?!唔通個度有魷魷?
高佬中魷....
小信師兄都有呀!
大王突然在艇後大嗌，好似好大隻咁....嚇死人咩?!
原來都幾有份量O家~~~魷魷「標」墨中.....
高佬仔突然換上「橙汁冰冰」。勁!唔通日本妹真係吃香D?一放落去就比隻魷仔攬到實一實。
死攬住唔放!為食的魷魷~~~
劏魷時間，原來高佬和主席一早聽過小信師兄的大名，仲睇過李錦聯師傅教YOUTUBE劏魷的「剪剪剪」VIDEO。
今日的魷魷真係好大隻~~~
開心的釣行完滿結束，唔知小信師兄幾時再可以出黎同我地玩呢?!
沒有留言:
張貼留言