2009 泰悠遊~~~三個女人一個墟的泰國曼谷之旅DAY 1 PART B Grande Centre Point

2009 泰悠遊~~~三個女人一個墟的泰國曼谷之旅DAY 1 PART B 酒店篇

經過今次曼谷自由行，突然間對泰國改觀。今次自己去，不會再去睇老虎仔、豬仔計數或者夢幻樂園，原來感覺真的好好多。

我可以自由選擇所住的酒店、食的東西、去那裡和去那裡做MASSAGE/SPA，比起跟團那些頹的酒店/食物/景站/MASSAGE地方，真的深深感受得到點解咁多港人去泰國。

因為我可以用平的價錢住得好、食得好和嘆得好。之前諗住住FOUR SEASON HOTEL，但我想住SERVICED APARTMENT型式的酒店，所以最後選擇了FOUR SEASON HOTEL隔離街的Grande Centre Point Ratchadamri，轉個彎已經係四面佛，位置方便。鄰近Ratchadamri站，亦可步行10分鐘到Silom站，Central World等大型商場亦在附近，集交通、購物、消閒和搵食之便利。

泰友營網頁中的介紹: http://www.thailandfans.com/live20071017.html

地圖可以在這裡看:

http://www.bangkok.com/grande-centre-point-ratchadamri/location.htm

我們一行三人不能住TWIN或DOUBLE ROOM，最後選了GRAND SUITE ROOM先可以加床。

一入到房~~~嘩聲四起。真係有D「大鄉里出城」感覺。好大呀!好有屋企的感覺。

一入門口的左手邊有開放式廚房，基本的設備都有。

洗手盆~~好乾淨!

洗衣乾衣機。我每晚都拎衫去乾，訓醒就有返件乾淨衫，所以下次可以唔駛帶咁多衫去。

水煲、多士爐和微波爐。

WELCOME FRUIT

大量茶包

洗手間有兩邊門，一邊門在廳旁，一邊門在房旁邊。洗手間好光猛，寬敞舒適，有企缸和浴缸。

衞生用品都好齊全呀!好體貼，牙刷和手巾都有三份!

大毛巾都有三件。

TIOLET真係好大O家!

轉入去房睇下先~~衣櫃有大量衣架。

嘩!好舒服呀!好想跳上床訓覺覺。裝修簡單，床頭的一幅畫卻令房間有點堂皇感覺。

以前跟團住個d酒店，一入到去已經唔舒服，周身唔自在。但呢度就好relax。

訓係度睇電視都好正!

房間都幾寬闊，有空間感。

一出門口就係廳。

團友K好似返左自己屋企咁~~~

由於我們是三個人要加床，原來將床加到廳的窗旁邊。我就比較細膽，唔敢訓廳，辛苦左團友K喇!

個廳都好大，望返過去開放式廚房。一大班人去到呢D 有屋企FEEL的酒店真係好開心呀!下次要同屋企人過黎玩玩先!

我好鍾意這個廳，因為我屋企個廳都有咁大咁舒服。坐係梳化度睇電視好正!

一來梳化好舒服，一坐落就訓著。二來與電視距離適中，對眼會比較舒服D。

都話好大O家啦!

將相機放在電視上來在預拍先。出面咁熱，係度訓下涼下冷氣真係唔想出去o家!

牆上的一些裝飾，已經令到間房充滿了高尚氣息。

在房間內的電視又來在自拍!整個旅程都好少有大合照~~~

電話款式都比較時尚。

我好鍾意這個廚房。這個廚房就是不少女人的dream kitchen。現實生活得不到就唯有等去旅行時一嚐心願吧!

房咭都寫" you' ll call it home"。的確...係我地心裡面的說話。

coffe beans係grande centre point hotel的coffe shop。這裡的cake好出名，我地之後買了幾件來食。味道......簡直......未食過咁好食o既cake! 一定要推介大家去曼谷，若果方便的話都去買黎試下!我遲d會再介紹!

F FLOOR係游冰池和健身設施所在地，而8樓就係好出名的RARININDA WELLNESS SPA (五星級版LET'S RELAX SPA)。

我地未夠十二點就去到酒店，好彩佢有房，可以提早比我地CHECK IN。若果唔係就要先寄存行李先再返酒店。

時候不早了!影了那麼多房間相，休息一下，就去玩去食喇!YEAH!食食食~~~~

酒店的LOBBY都好GRAND，仲有自助咖啡奶茶。

門牌~~~GRANDE CENTRE POINT。若果大家有興趣，下次去曼谷都可以試下。

(待續)