昨晚被大王再次督促我快點寫BLOG!婚後的我多了家務要做,而且可能之前太忙和太大壓力,所以常常想休息一下,於是積下了很多BLOG債未還。今早好像比較清閒,所以重新踏上寫BLOG之路。
等我再介紹一下我們314的沖繩短蜜月之旅的第一天。上回講到在海嘯的陰霾下出發去沖繩,心裡難免有些影響。
剛到達酒店就開電視和上網收發最新資訊,見到香港旅行社取消了所有往日本的團,再加上在酒店房間開電視見到每一台也是播著海嘯和核輻射片段,心情真的大受影響。
但我們對自己說,這是蜜月之旅,所以不要浪費時間,於是出去國際通走走。
酒店後面條街便是國際通。一條長長的街兩旁的店鋪買的是沖繩特產,例如海鹽、酒、石獅子、苦瓜和玻璃等等...
沖繩苦瓜汁想唔想試下?
好多大大小小的石獅子,可以買隻返屋企。
國際通兩旁好多這些模型供人影相
相信大家都知道沖繩另一特色就是有個沙灘的沙是星星形狀,這裡有很多星砂買來做手信。
雪鹽餅也是沖繩特產,本身不吸引我,但試過加在軟雪糕一齊食就愛上了!
原來御菓子御殿(一個買和菓子和沖繩特色小食手信店)在國際通也有分店。
這些蕃薯批就是招牌手信。我試過之後都買了一盒返香港請朋友食。
大王好酒,所以見到酒和酒精類飲品都特別留意一下。
好想買這個沖繩麵,心大心細中,唔知買邊盒。
之後到了鹽屋,真的大開眼界。來自沖繩不同地區的特色鹽都可以係度搵到和試食到。
又是手信之一
在這裡真的好開心,試食了很多味道的鹽,例如咖哩味、抺茶味和柚子味。在店鋪內大肆試食完和購物後,食返個地道的海鹽雪糕先。
大王好豪咁買了好多鹽,好似預知得到返到香港d人會搶鹽咁...haha
買了海鹽雪糕好開心
cone type-->350yen
我們選了杯裝有雪鹽餅的雪糕也是350yen,HK$35都幾貴呢!
可以自由選擇以下味道的海鹽加入雪糕一齊食。未試過都唔知原來味道好夾,有些還很FRESH呢!哈哈....我差不多每一種味都試過...
就是這樣加進去~~~
一口海鹽雪糕加一口雪鹽餅,回味無窮呀!
試一下抺茶鹽先.....試完就會走返入去再買來試下。
真係乜野味道都有,以下是檸檬鹽。
大王勁鍾意食雪糕,食完都話正~~~
我們還了幾種味道的鹽,又買雪鹽餅,返到香港去超級市場買維記一盒裝的軟雪糕,再次重拾沖繩地道特色,好正呀!真的好懷緬在沖繩短短三日的日子呀!
不知何時才可以再次與沖繩再續未了緣呢!
Hi!
回覆刪除我想問哪一種味道的鹽最值得帶回家呢. 好似隻隻都好好味咁. 好期望快些看到 Day 2, Day 3等的資料, 好想知多些有關沖繩的事物. 多謝分享.
[版主回覆06/29/2011 23:02:00]哈....好難講邊隻味道的鹽好D,你到時見到咁多種味,種種味都試下就知喇!
因為我鍾意綠茶味,所以我買左綠茶味的海鹽。
等我加快進度寫返BLOG先....不過由於行程太短,所以有好多應該去的地方都無去呀!
d鹽唔平喔, 係嘛
回覆刪除[版主回覆06/29/2011 23:01:00]哈....係O家.....因為係特色的鹽,再加上係日本,會貴少少啦!
咁其實海鹽雪糕好唔好食﹖
回覆刪除[版主回覆06/29/2011 23:00:00]好食O家~~~~我平時唔鍾意食VANILLA雪糕,但加埋海鹽一齊食就好正呀!