婚後,不少朋友和親友都問我倆口子有沒有煮飯食。
說真的,大王煮過一餐三餸晚飯之外,我煮了一次豪華版餐腸蛋公仔麵之外,我們的煮食爐也是用來煲水。
所以家中煤氣費的主要來源都是因為沖涼而收的煤氣費。
早兩個星期,請教了朋友煲了少少羅漢果茶來清熱氣。
早兩天,我雄心壯志諗住煲綠豆沙比大王食。
但可能因為個煲淺,所以水未滾就已經瀉。關了爐抺乾淨再煲第二次,開了煲蓋細火煲也是很快就瀉。
我很嬲的關了爐,決定將整煲倒掉,因為個煲太細了!煲唔到呀~~~
竟然在我雄心壯志去開爐的時候出了這些事,真令人洩氣。
昨晚,大王留意到個爐的開關制未完全較到去off。佢好嬲咁話你以後唔好再開爐喇!好危險...差d爆炸!
我個一刻真係好唔開心...真係眼淚在心裡流........
我覺得我衰左係唔o岩,但這段話令我覺得嘗試去踏出第一做一個家庭主婦都得不到支持,那麼我以後就不開爐啦!
所以,暫時都係繼續出街食,去奶奶家食,返娘家食都唔開爐喇!
凡事都有第一次咖喇,加油呀~我都係時候要學煮飯喇,哈哈
回覆刪除[版主回覆05/23/2011 17:23:00]完全打擊我的士氣呢~~~
睇下我幾時先再重出江湖啦!haha
唔緊要既, 一次唔得仲有第二次既, 只要煮得多都變大廚架!!
回覆刪除我都見好多新婚靚太由唔識煮飯, 到而家已經煮得有板有眼, 仲學人整埋蛋糕曲奇添!!
[版主回覆05/23/2011 17:23:00]哈...我都成日幻想自己之後會多才多藝..haha
加油ar~~煮得多就叻 ga la! 得閒多 d同老公一齊玩煮飯仔la!!
回覆刪除[版主回覆05/23/2011 17:24:00]我老公識煮野...所以我成日唔敢出洋相囉...
大王因為緊張你,驚你受傷先語氣咁,男人表達差,原諒他拉!辛辛苦苦娶返來架嘛,咁快嫁入來受傷,他心痛之餘,你爸媽都不放過他啦!!慢慢學拉師奶生涯流流長,買過大的煲小心睇火咁好了!!不好哭呀
回覆刪除[版主回覆05/23/2011 17:25:00]哈....又無咁嚴重...
不過就打擊我士氣....攪到我暫時都無乜心機開爐呢!
只係啲用具未齊啫!買番啲大中細煲一有mood煮下囉,唔好迫自己煮!enjoy~
回覆刪除[版主回覆05/23/2011 17:25:00]哈...你又o岩聽喎~~~
d煲o岩size就唔會有咁o既情況發生~~~haha
support support .......... 加油呀 唔開心幾日好喇 下次小心d咪得囉 唔好衰比大王睇 下次煮餐勁既 等佢食到無聲出 hahahahaha.........
回覆刪除[版主回覆05/23/2011 17:26:00]多謝blog友們的支持呀!
「等佢無聲出」!哈哈~~
慢慢試下煮呀... 由簡單做起...
回覆刪除你會發覺煮飯仔都有樂趣家...
比心機呀....
[版主回覆05/23/2011 17:26:00]哈哈...睇黎你應該已經搵到煮飯仔的樂趣喇喎~~~haha
唔好嬲啦,慢慢來,一定好快上手架 ^^ 你試下煮 d 簡單小菜丫,易煮好多的 ^^ 加油
回覆刪除[版主回覆05/23/2011 17:27:00]哈....等我下左啖氣就試下整簡單的餸先~~
初初煮總會架喇......慢慢學識就唔怕...... 加油啦!!!!
回覆刪除[版主回覆05/23/2011 17:28:00]哈哈...初初煮真係好多蝦碌野....
真係諗返都覺得好好笑....
我幾十年前就係因為煮個叉燒雞翼得唔到屋企人既支持,所以決定唔下廚。我好明白你既感受....﹗
回覆刪除不過,唔好氣餒,加油﹗我依家都諗住努力學煮喇﹗
[版主回覆05/28/2011 14:29:00]哈.....我好快再有動力再下廚喇!
因為出面街太熱,所以留多D係屋企就會攪呢樣攪個樣..HAHA
你都快D學煮啦!D男士口講話你唔煮我煮比你食,但其實個心都係想我地煮比佢地食O家..HAHA
我都唔係識煮飯呀~~只係識整好簡單粥仔粉面比個女食~~ 小菜真係唔識~你可以可超市買調好味的整都可以~煮湯就買湯包~
回覆刪除[版主回覆05/28/2011 14:30:00]哈...我遲D會努力D自己整D野寫.....有誠意D呢
唔好咁快泄氣啦,家庭主婦係條漫長o既路,慢慢試o下就會得架啦
回覆刪除[版主回覆05/28/2011 14:30:00]無錯..我只係起步兩個多月..HAHA
要多多向你請教呢~~
我都覺得好難,,,,我對煮食冇咩興趣~一係買d食譜學囉~
回覆刪除[版主回覆05/28/2011 14:30:00]哈....有好多BLOG友都寫食譜,可以睇下佢地D BLOG都得..
唔好咁啦~凡事都有第一次~我覺得大王錫你先唔俾你開爐~下次叫佢一齊陪你係廚房煮飯~有佢睇住嘛~
回覆刪除[版主回覆05/28/2011 14:31:00]哈.....我衰左一次下次就會記得小心D O家喇~
唔可以再比人話喇~~~
唔好嬲唔好嬲,大王都係緊張&擔心only,當成日出街食到某地步,你好自然就會好懷念屋企飯,到時自然會煮下,唔駛太迫自己哦~ ^^
回覆刪除[版主回覆06/16/2011 18:13:00]多謝你支持呀~~~
我覺得想煮的時候就會煮,所以暫時都唔出手住喇!haha
我個爐都係煮公仔麵, 水餃, 煲過2次罐頭湯咋, 9成都只係煲水
回覆刪除同你一樣, 都係出街食, 去99家, 娘家
上次永安大減價, 走去買在個pan + 煲, 回來後都未開盒呢
[版主回覆06/16/2011 18:10:00]哈哈.....我同你好相似呢~~~
到宜家結左婚三個月都未煮過,只係煮過一次公仔麵..haha