DIY花車車側蝴蝶佈置

其實金都和出面一些鋪頭都有得買花車佈置，但由於我不甘心幾隻蝴蝶仔和一隻車頭大蝴蝶已經要$100，所以自己買材料返黎自己整。

雖然材料費都係返度....但自己整又真係開心好多~~~

聽人講去深水埗德祥公司買材料，於是我和大王找個星期六下晚落去睇睇。

我之前都無諗過顏色的配搭，只是憑感覺去買些材料返屋企。

結果買了.....紗網、鐵線絲帶、銀色絲帶和兩束小花。

 買了一卷粗一卷幼身的有鐵線圍邊的紗絲帶。

這兩種不同顏色的小花是用來做車側蝴蝶的裝飾。

將小花CUT開變成這樣，再一小束一小束的紮實起來。

由於我整了好耐D花仔都甩出黎，這是我覺得係呢個ITEM上最高難度的地方。最後，大王又出馬，幫我用木紋膠紙包著花仔和用花藝鐵線大力的束實花仔。以我這雞仔力真的包唔實花仔，好易就飛了花仔出來。

準備好花仔就自己諗下點整...其實我見好多BLOG友教學都無加花仔，所以這個做法都是我自己創作的，基本上是自己諗方法將所有材料定位。

(1) 先準備鐵線紗絲帶和花藝鐵線

(2) 再用鐵線穩固地將花仔定位在紗絲帶的中間

(3) 最後再用銀色絲帶包多幾層綁隻蝴蝶仔(因為要遮住花藝鐵線和再定實花仔的位)

自己亂咁整出黎的製成品.......

四隻紅色花仔車側蝴蝶就是用在主婚車車側，另外橙色花仔蝴蝶就用在兄弟車車側。

自己再整理一下蝴蝶上下兩邊的鐵線，整理返個立體形狀出黎~~~

哈....我的又一土垉自家設計出爐喇!絲帶的顏色和花仔可以按喜好再配搭應該會有另一種效果。

自己整，雖然手工普通一點，但結婚日見到那麼多自己創作的東西真的好開心好有滿足感的.....

大家都可以去深水埗德祥公司買下材料試下呢!德祥的材料又真的幾多款式選擇，價錢都頗相宜呢!

地址: 香港九龍長沙灣道124至126號 (深水埗B1出口)

電話 : 2779 0111

Mon - Sat 9:30am - 7:30pm

Sun 10:30am - 7:00pm

另外，這幾隻蝴蝶在312大日子入面經過多次的風吹都沒有破損，真的值得可喜可賀!HAHA~~~