補寫BLOG: 2011年1月1日
籌備結婚真係好多野做,多到好多野都唔記得左要做.....
由一開始諗住結婚已經諗住遲D同我DADDY去度身訂做合身的禮服見證我的出嫁。哈哈...
之前聽過BLOG友介紹位於中環的祥興,話一千蚊就有一套禮服,所以本身都諗住鎖定去呢間鋪做禮服。
但由於平日星期一至五,我放工去到鋪頭都已經七點,但佢地都收七點。至於星期六,我又唔得閒。星期日佢地又休息...好似就左好耐都就唔O岩時間。
結果,本身唔心急的DADDY都心急起來,最後他提議我去另一地方做禮服。佢話佢朋友做過都唔錯,都係千幾蚊一套。
呢間就係大埔廣福里29號地下的「摩登」。其實我點會知道有間咁O既野呢?都係DADDY朋友互相介紹先知,重點係比祥興仲平D,同埋營業時間易就,同埋方便我地呢D新界人。
等我影D相介紹下先....
我們選了這款正常的禮服款式。布料可以再選...
西裝全套$698度身訂做,都幾抵呀!而且有好多布料款選擇....
呔和恤衫都好多款揀....
生意都唔少,有好多製成品等人拎。HAHA
專業的度身,有件差不多SIZE的禮服試下,再睇下每個部位的SIZE要點樣先O岩心意。師傅話個膞頭要有個形出返黎先好睇。
我的老豆好型呀!HAHA....有返個線條出返黎..
最重要的價目表....西裝$698,禮服一套就$898。
恤衫加禮服袖$228,禮服恤$238。
我們今次度身定做了一套禮服、背心和恤衫,合共千三蚊左右。價錢和度身的SERVICES都OK,希望製成品都VERY GOOD啦!
每件都可以揀色和布料,可以選幾多粒鈕,基本上鍾意點就跟返你想點咁做。
連鈕都可以揀鑽石形的鈕,哈哈......三星期後收貨。
若果大家係新界人或者住大埔都可以考慮一下啦!
有製成品再同大家分享....
多謝你分享!
回覆刪除方便我地新界人...
[版主回覆01/27/2011 17:50:00]哈....其實都係住大埔先方便D...我都唔係住大埔O家
不過過海就更加唔方便囉~~
我都係大埔人,真係好多謝你介紹呀!!搵日同爸爸去先!!
回覆刪除[版主回覆01/27/2011 17:49:00]係呀...你去望下先,唔LIKE就唔做都得O家~~~
有興趣先做啦!
我剛收貨,恤衫同背心都做得幾好....禮服都OK,不過布料就一定無大鋪咁靚...OVERALL黎講都值得O家!
唔錯呢~
回覆刪除[版主回覆01/27/2011 17:46:00]可以多一個選擇考慮一下~~~
Thx for yr information ,it's gd for me !! Waiting for yr result !!
回覆刪除[版主回覆01/27/2011 17:46:00]剛剛攞貨...HAHA....質料一定無大鋪咁靚,不過都唔錯....
恤衫同背心仔都整得幾靚...
祥興係超多人....呢度好似可以慢慢睇下...Thanks for sharing
回覆刪除[版主回覆01/31/2011 22:03:00]若果近可以去望下...不過我覺得其他原來造禮服方面係好多選擇~~~
最緊要方便自己~~
嘩, 我都去睇過呀... 我諗我老豆果套都會晌度做...
回覆刪除[版主回覆07/19/2011 12:06:00]哈...唔駛一定要過中環呢!呢間都ok呀~~~
資料好岩用.真是岩晒我地新界人.
回覆刪除