這天駕車遊又再去到位於黃大仙鳯凰新村銀鳯街地下的「友記正宗咖喱車仔麵」。
這家就是以前在大磡村好出名的車仔麵店。聽說以前是由爸爸創出個生招牌來。現在搬到鳯凰新村就由兒子打理店鋪。
記得幾年前開始不時駕車來食。第一次食的味道不錯，很有傳統和車仔麵風味。可惜現在愈來愈商業化，少了點人情味。味道也一般。
三餸車仔麵: 酸齋、魚皮餃和牛筋腩。酸齋幾好食，六元一碟。
炸魚皮都唔錯。好鬆脆~~~~
兩碗三餸車仔麵、一碟魚皮和一杯涷檸茶都只係$42。
雖然價錢平，但整體質素不及往時，是時候轉去試下其他地方的車仔麵風味了!
沒有留言:
張貼留言