大阪神戶和歌山奈良八日七夜開心自駕遊---DAY 7 (PART D) 難忘的吉列豚肉--豚晴

大阪神戶和歌山奈良八日七夜開心自駕遊---DAY 7 (PART D) 難忘的吉列豚肉--豚晴

真係唔好意思，個日本旅程寫到宜家都未寫完。唔緊要....等我繼續介紹我地o既day 7行程。

上回講到同大王去了梅田IBAN LURE釣具店，我地之後就去梅田的商場行下街。最後買了幾把靚傘~~我估未來幾年都有傘用了!

由於行到對腳好攰，所以我同大王趁時間早就去搵食，唔係一夜左又要等位喇!

見今次的旅程都冇食日式的吉列豚肉，所以專誠去找一間試下。

我地又係食到係梅田地下街有間叫「豚晴」的鋪，未到食飯時間已經有好多人食，所以走了入去試。結果..............終於知道日本的吉列豚肉係乜野黎。

其中一版的MENU，大部份定食餐都要OVER1,000YEN。

冰涷綠茶~~~正呀!心理上減少熱氣...

嘩!其中一個SET黎左喇!好吸引~~有吉列雞肉、吉列海蝦和豚肉，還有大量好新鮮的椰菜絲。

另一個吉列豚肉定食，有一層架來透氣，讓豚肉保持鬆化。

配菜椰菜絲和蛋沙律真係好好食，因為食落去覺得好FRESH，好清新~~~一邊食熱氣食物，一邊就令到個口冇乜熱氣。

好豐富!快D開動喇!

還有前菜、飯和麵豉湯~~~

自助醬料，按自己喜好塗上美味醬汁。

表面上好熱氣，但食落去...你冇諗過係咁鬆化~~~唔會濟住濟住咁!

豚肉的橫切面看到的紋已經可見一斑。你試一口就知點解一塊肉都有鬆化的感覺。

平時香港食的吉列食物，外面一層厚厚的粉，有一種好炸好油好飽的感覺。但今次真係一D都感覺唔到。

真係冇食過咁好食的吉列豚肉呀!原來本身係可以整到咁好食O家!

你睇我地張單?!傍晚五點半已經食晚餐喇!兩個定食加埋都係2,045YEN，即HK$160左右，已經可以令我地一試難忘，真係好值得!

我們就是ORDER 了當店人氣NO.1和NO.2的定食餐!

認住呢個地址，下次來大阪一定會再黎!

「豚晴」係大阪都有幾間分店:

詳細資料可參考其網頁: http://www.tonharu.co.jp/honten.html

我們去的就是豚晴本店。

地圖如下:

ホワイティうめだノースモール(HEPファイブ地下入口前)
TEL/FAX 06-6312-2710
定休日…奇数月の第３木曜日・元旦

飽嚐完難忘的吉列豚肉餐之後，我們就返心齋橋搵BURTON店。

已經搵左四五次都搵唔到間BURTON店，幫唔到大王細佬買O野。真係唔好意思。

途經為於心齋橋的NIKE店，好大間~~~

行左好耐都搵唔到BURTON店就....唯有宣佈放棄喇!

返酒店同今日的戰利品影下相先~~~~

以下是IBAN釣具店收獲~~~~

我買了BREADEN釣魚衫(質地好好~~)、偏光鏡和BREADEN眼鏡盒。

2,200YEN可以裝眼鏡或一些小物，這個盒仔可以掛在餌木袋上。

大王的收獲都唔少.....POPPER、鈎、餌木鐳射貼、釣魚貼紙、綁結器和姣蝦~~

我好鍾意呢張貼紙，增加戰鬥力，誓要釣到隻3KG UP的外星人。

限定生產的POPPER

姣蝦減價系列~~~~

另外，我係奈良買了一枝鹿鹿筆(630YEN)，最後送了給妹妹。

還買了五把傘，其實有三把是送給人的。

這把是我買給自己的，覺得顏色好清好柔，而且有個袋仔裝住，好方便~~~

聽日就返香港喇!臨別秋波，大王話要試多次四天王拉麵~~~

嘩~~~依然賣相吸引~~~义燒拉麵!

香濃湯底配上幼細麵條。

宜家係香港打呢篇BLOG，突然間好掛住日本的美食~~

依依不捨的心情，影下一D日本的文化先~~

MY MELODY夾公仔機令我回想起初初和大王來日本的時候，我們夾了很多公仔返香港。

魔人布歐公仔好趣緻，令我回想起以前中學時代有個同學話我似布歐~~~

(真大獲....但又好好笑..)

大阪之旅第七天行程完滿結束.....

睇黎真係幾面對就快返香港的事實!